use bhi dhoka milega yaqeen hai mujh...ko bharosa vo bhi kisi par to kar raha hogaa

gar baazi ishq ki baazi hai jo chaaho laga do dar kaisa gar jeet ga.e to kya kehna haare bhi to baazi maat nahin

main so raha hooñ tere KHvaab dekhne ke li.e ye aarzoo hai ki aankhoñ men raat rah jaa.e

yahii ek din bacha tha dekhne ko use bas men baitha kar aa rahe hain

itne ghane baadal ke peeche kitna tanhaa hogaa chaand

ye jo ham takhleeq-e-jahaan-e-nau men lage hain paagal hain door se ham ko dekhne waale haath bata ham logon ka

sehar ki aas lagaaye hue hain vo ki jinhen kamaan ae shab se chale teer ki khabar bhi nahin

ye jo duniya hai ise itni ijaazat kab hai ham pe apni hi kisi baat ka ghussa utara

ye aag vaag ka dariyaa to khel tha hamko jo sach kahein to badaa imtihaan aañsu hain

vo ek din jo tujhe sochne men guzra tha tamaam umr usii din ki tarjumaani hai