koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

kya khabar kaun tha vo aur meraa kya lagta tha jisse milkar mujhe har shaKHs bura lagta tha

koi itnaa pyaara kaise ho saka hai phir saare ka saara kaise ho saka hai tujhse jab milkar bhi udaasi kam nahin hoti tere baghair guzaara kaise ho saka hai

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

zindagi ujde hue ghar ki tarah lagti hai baap ka saaya agar sar pe nahin hota hai

zindagi to dar-b-dar khilwa rahi thii thokren maut ne lo manzil-e-maksud par pahuncha diya

zindagaani ki lootkar khushiyaan zakhm-e-dil mujh...ko de gaya hai koi meri aankhoñ ki vo tha beenaai meri beenaai le gaya hai koi

zindagi se KHush hai koii zindagi se tang hai har kisi ka zindagi jeene ka apna dhang hai maine jo duniya ko samjha to mujhe aaya samajh nisf hai rangeen duniya nisf ye be-rang hai

zamaana ho gaya mahtaab dekhe aankhoñ se KHuda ke vaaste tasveer bhej do apni