kuchh na rah sakaa jahaan viraaniyaan to rah gaiin tum chale ga.e to kya kahaaniyaan to rah gaiin

jab bhi aata hai december gam ke taanke khulte hain yaad hai yuñ teraa jaana aur kehna KHush raho

ham aison ko banaa kar ke KHuda ukta gaya tha phir teri aañkhen banaa daali teraa chehra banaa daala

talab karen to ye aañkhen bhi in ko de doon main magar ye log in aankhoñ ke KHvaab maangte hain

tune dekhi hai vo peshaani vo rukhsaar vo hont zindagi jinke tasavvur men luta dii hamne tujhpe uthi hain vo khoi hui saahir aañkhen tujhko maaloom hai kyuuñ umr ganwa dii hamne

sabr karna sakht mushkil hai tadapna sahal hai apne bas ka kaam kar leta hooñ aasaan dekh kar

museebat ka pahaad aaKHir kisi din kat hi jaayega mujhe sar maar kar teshe se mar jaana nahin aata

hañs ke kahtaa hai ki ghar apna qafs ko samjho sabq ulta meraa sayyaad padhaata hai mujhe

dard ho to davaa bhi mumkin hai vaham kii kya davaa kare koii

duniya se alag ja ke kahiin sar phodo ya jeete hi jee murdon se naata jodo kyun thokren khaane ko pade ho bekar badhna hai badho nahin to rastaa chhodo