mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

main badan ko dard ke malboos pahnaata raha rooh tak phaili hui milti hai ur yaanii mujhe

kashtii bhi nahin badli dariyaa bhi nahin badla aur doobne waalon ka jazba bhi nahin badla

har saal kii aakhiri shaamon men do chaar varq ud jaate hain ab aur na bikhre rishton kii bosida kitaab to achha ho

ab ik teer bhi ho liya saath warna parinda chala tha safar par akelaa

jis..ko is fasl men hona hai barabar ka shareek mere ehsaas men tanhaaiyaan kyun bota hai