main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

tumhaare shahar ka mausam badaa suhaana lage main ek shaam chura luun agar bura na lage

do gaz sahi magar ye meri milkiiyat to hai ai maut tune mujhe zameendaar kar diya

do jahaan kii zindagi jeekar chale hain do ghadi marte-marte phir mujhe kuchh aur marne deejie

abhii zinda hai maa meri mujhe kuchh bhi nahin hogaa main ghar se jab nikalta hooñ dua bhi saath chalti hai

patthar ke jigar waalo gham men vo ravaani hai KHud raah banaa lega bahta hua paani hai

suna hai badr sahab mehfilon ki jaan hote the bahut din se vo patthar hain na hanste hain na rote hain

main KHuda ka naam le kar pee raha hooñ dosto zahar bhi is men agar hogaa davaa ho jaayega

mujhe maaloom hai us ka thikaana phir kahaan hogaa parinda aasmaañ choone men jab naakaam ho jaa.e

tujhe bhool jaane ki koshishein kabhi kaamyaab na ho sakeen tiri yaad shaakh-e-gulaab hai jo hawa chali to lachak gaii