teri aankhoñ men jo ik qatra chhupa hai main hooñ jisne chhup chhup ke teraa dard saha hai main hooñ ek patthar ki jise aanch na aayi tu hai ek aaina ki jo toot chuka hai main hooñ

bheegin palken dekh kar tu kyun ruka hai KHush hooñ main vo to meri aankh men kuchh aa gaya hai KHush hooñ main vo kisi ke saath KHush tha kitne dukkh ki baat thii ab mere pahluu men aa kar ro raha hai KHush hooñ main

ek nazar dekhte to jaao mujhe kab kaha hai gale lagao mujhe tumko nuskha bhi likh ke de doonga zakhm to theek se dikhaao mujhe

bhej deta hooñ magar pahle bataa doon tujh ko mujh se milta nahin koi mirii tasveer ke baad

dua karo ki salaamat rahe mirii himmat ye ik charaaghh kaii aandhiyon pe bhari hai

nazarandaaz karne kii saza deni thii tujh ko tere dil men utar jaana zaroori ho gaya tha

mohabbat ke gharo ke kacche-pan ko ye kahaan samjhen in aankhoñ ko to bas aata hai barsaatein badi karna

koii shikwa na kare bahte hue paani se kashtiyaañ doobi hain kuchh apni hi manmaani se

dhoop ke ek hi mausam ne jinhen tod diya itne naazuk bhi ye rishte na banaaye hote

raat to vaqt kii paaband hai dhal jaayegi dekhna ye hai charaaghon ka safar kitna hai