gulaab KHvaab davaa zahar jaam kya kya hai main aa gaya hooñ bataa intizaam kya kya hai

ik hunar hai jo kar gaya hooñ main sab ke dil se utar gaya hooñ main

maine usse pyaar kiya hai milkiiyyat ka daava nai vo jiske bhi saath hai main us..ko bhi apna maanta hooñ

vo afsaana jise anjaam tak laana na ho mumkin use ik KHoob-soorat mod de kar chhodna achha

kya khabar kaun tha vo aur meraa kya lagta tha jisse milkar mujhe har shaKHs bura lagta tha

ilaahi ek gham-e-rozgaar kya kam tha ki ishq bhej diya jaan-e-mubtala ke li.e

dekha jo kha ke teer kameen-gaah ki taraf apne hi doston se mulaqaat ho gaii

kyun hijr ke shikwe karta hai kyun dard ke rone rota hai ab ishq kiya to sabr bhi kar is men to yahii kuchh hota hai

tasavvur men bhi ab vo be-naqaab aate nahin mujh tak qayamat aa chuki hai log kahte hain shabaab aaya

saari duniya ko hai galat-fahmi mujh pe tu mehrbaan hai pyaare