maine ik umr se batue men sambhaali hui hai vahii tasveer jo ik pal nahin dekhi jaati

maana ki teri deed ke qaabil nahin hooñ main tu miraa shauq dekh miraa intizaar dekh

KHamoshii to yahii batla rahi hai udaasi raas mujh...ko aa rahi hai mujhe jin galatiyon se seekhna tha vahii phir zindagi dohraa rahi hai

ham hain shauqeen puraani hi sharaabon ke dost ham to hain dhalti hue husn pe marne waale

dil ye karta hai ki is umr ki pagdandi par ulte pairo'n se chaloon phir vahii ladka ho jaaun

KHuda kii us ke gale men ajeeb qudrat hai vo bolta hai to ik raushni sii hoti hai

saath sanduqon men bhar kar dafn kar do nafratein aaj insaan ko mohabbat kii zaroorat hai bahut

bhool shaayad bahut badi kar li dil ne duniya se dosti kar li

mujhe maaloom hai us ka thikaana phir kahaan hogaa parinda aasmaañ choone men jab naakaam ho jaa.e

ye shabnami lahjaa hai aahista ghazal padhna titli ki kahaanii hai phoolon ki zabaani hai