ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

kisi ko ghar se nikalte hi mil gaii manzil koi hamaari tarah umr bhar safar men raha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye mujh se bichadna to pehla qadam tha abhii tum yahaañ aur maahir banoge

ye meri mushkil koii mushkil thodii hai gar vo mushkil men hota to mushkil hoti

ye mas'ala nahin hai ab mujh ko kya lagega jo chaaho bol do tum mujh ko bhala lagega laakhon shikaayaten hain is lehje se tumhaare maine bataa diya to tum ko bura lagega

zindagi se sab ko kuchh to chahiye tu magar vo hai jo sab ko chahiye saath tere ek din hi kaafi hai itni lambi umr kis ko chahiye

ye hai teraa diya aakhiri zaKHm is ka banta hai naasoor hona