us ne saari duniya maangi maine us ko maanga haius ke sapne ek taraf hain meraa sapna ek taraf

aasmaañ itni bulan dii pe jo itraata hai bhool jaata hai zameen se hi nazar aata hai

nigaahon ke taqaze chain se marne nahin dete yahaañ manzar hi aise hain ki dil bharne nahin dete humeen un se umeedein aasmaañ choone ki karte hain humeen bacchon ko apne faisley karne nahin dete

mere hujre men nahin aur kahii par rakh do aasmaañ laaye ho le aao zameen par rakh do

us ke chehre ki chamak ke saamne saada laga aasmaañ pe chaand poora tha magar aadha laga

bichhad jaayenge ham dono zameen par ye us ne aasmaañ par likh diya hai

jahaan waalon se kah do yahaañ se hat jaayen KHuda ke aur mere darmiyaañ se hat jaayen

khauf aata hai apne saa.e se hijr ke kis maqaam par hooñ main

aaj meri ik ghazal ne us ke honton ko chhua aaj pahli baar apni shaayri achchhii lagii

khayal kab se chhupa ke ye man men rakha hai mira qaraar tumhaare badan men rakha hai