tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

guzishta saal ke zakhamo hare-bhare rahna juloos ab ke baras bhi yahiin se niklega

vo chahta tha ki kaasa khareed le meraa main us ke taaj ki qeemat laga ke laut aaya

main ahmiyat bhi samajhta hooñ qahqahon kii magar mazaa kuchh apna alag hai udaas hone ka

ye zaroori hai ki aankhoñ ka bharam qaaim rahe neend rakho ya na rakho KHvaab meyari rakho

kaii dinon se andheron ka bolbala hai charaagh le ke pukaaro kahaan ujaala hai