hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

kamra khola to aankh bhar aayi ye jo KHushboo hai jism thii pahle

aaj paivand ki zaroorat hai ye saza hai rafu na karne ki

meri pahli nazar lautaa de mujh ko teri jaanib dobaara dekhna hai

use le kar jo gaadi ja chuki hai main shaayad us ke neeche aa raha hooñ

khun pila kar jo she'r paala thaus ne circus men naukri kar li