koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

use kisi se mohabbat thii aur vo main nahin tha ye baat mujhse zyaada use rulaati thii

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

apne hujre men pada rehta hai chupchaap anchal log awaaz pe awaaz diya karte hain

tamannaa us kali kii hai faqat mujh...ko jise sab titliyan khaalis bataati hain

un se kah do ke vo ab baam pe aaya na karen kitne logon ko vo barbaad kiya karte hain

andha banaa ke haath men kashkol rakh diya dhokha mila hai mulk ko andhe safeer se vo jism dhoondhta hai mire KHvaab bech kar takra raha hai khwahishon ka dukh zameer se

tune chhodaa chhoot gaya ye munh fera phir rooth gaya ye ik naazuk sa dil tha meraa jab toda tab toot gaya ye