dekho ham koi wahshi nahin deewane hain tumse button khulwane nahin lagwane hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

dard-e-mohabbat dard-e-judai dono ko ik saath mila tu bhi tanhaa main bhi tanhaa aa is baat pe haath mila

bheegin palken dekh kar tu kyun ruka hai KHush hooñ main vo to meri aankh men kuchh aa gaya hai KHush hooñ main vo kisi ke saath KHush tha kitne dukkh ki baat thii ab mere pahluu men aa kar ro raha hai KHush hooñ main

hawa chali to uski shawl meri chat pe aa giri ye us badan ke saath meraa pehla raabta hua

us dhoke ne tod diya hai itnaa mujh ko ab kuchh bhi samjha letii hai duniya mujh ko

phir tumhaare barabar khada shaKHs kuchh is tarah se hansa jaise tumne bataaya ho us ko hai ye bhi deewaana meraa

jitni chahe pee lo lekin dhyaan rahe tum ko ghar pahunchaane waale achchhe hon

baith kar baat ki aur juda ho ga.e koi shikwa nahin koi jhagda nahin

use yuñ chehra-chehra dhoondhta hooñ vo jaise raat-din sadkon pe hogaa