hamaare baad tere ishq men naye ladke badan to choomenge zulfen nahin sanvaarenge

us ke chehre ki chamak ke saamne saada laga aasmaañ pe chaand poora tha magar aadha laga

kabhi jo KHvaab tha vo pa liya hai magar jo kho gaii vo cheez kya thii

main saansen tak luta saktaa hooñ uske ek ishaare par magar vo mere har vaade ko sarkaari samajhta hai

bhej deta hooñ magar pahle bataa doon tujh ko mujh se milta nahin koi mirii tasveer ke baad

zulm mazloomon pe dhaana chhod do haq yatiimon ka dabana chhod do ye nahin kar sakte to behtar hai ye sar ko sajde men jhukaana chhod do

zulm kii mil ke qamar aise karenge KHam sab door ho jaayenge ye apne watan se gham sab KHvaab ajdaad ne jo dekha hai ik din uski dekhna KHoon se taabeer likhenge ham sab

zard hone lagii hai dast-e-hina laut aao shajar KHuda ke li.e

zamaana ho gaya mahtaab dekhe aankhoñ se KHuda ke vaaste tasveer bhej do apni

vo uske gaal pe darbaan-e-husn baitha hai koi use suno til ka nishaan mat kehna