raam hone men ya raavan men hai antar itnaa ek duniya ko khushi doosra gham deta hai ham ne raavan ko baras dar baras jalaya hai kaun hai vo jo ise phir se janam deta hai

bahut ghuroor hai dariyaa ko apne hone par jo meri pyaas se uljhe to dhajjiyaan ud jaayen

apna sab kuchh haar ke laut aa.e ho na mere paas main tumhen kahtaa bhi rehta tha ki duniya tez hai

yaqeen kar vo tire paas laut aayega jab us ka uthne lagega yaqeen logon se

bahut thii bheed magar uspe dhyaan ja raha tha vo meri jeet pe taali nahin baja raha tha na chahte hue bhi lautna pada mujh...ko vo pahli baar mujhe naam se bula raha tha

zulm mazloomon pe dhaana chhod do haq yatiimon ka dabana chhod do ye nahin kar sakte to behtar hai ye sar ko sajde men jhukaana chhod do

zulm kii mil ke qamar aise karenge KHam sab door ho jaayenge ye apne watan se gham sab KHvaab ajdaad ne jo dekha hai ik din uski dekhna KHoon se taabeer likhenge ham sab

zamaana ho gaya mahtaab dekhe aankhoñ se KHuda ke vaaste tasveer bhej do apni

ye she'r baad-e-shajar turbat-e-shajar pe likho safar safar men safar zindagi ka khatm hua

ye muhabbat meraa asaasa hai mujhse mat cheen is asaase ko