shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

hazaaron saal nargis apni be-noori pe roti hai badi mushkil se hota hai chaman men deeda-war paida

vikaas khidkiyon se dekh aa.e aasmaañ tum kashish thii phool ki to hausla bhi hona tha

tumne hi isko aur bhi pyaara banaya hai jis raabte ko maine sahaara banaya hai

hirni jis teji se daudi hai kisi aahat par uski raftaar ko raftaar na samjha jaa.e

apna maqaam hai yahaañ har ek se juda sheeshe ko chhod deejie paani men dekhiye

aadat ki paharon chaand-sitaaron ko dekhna ik din zameen se door karegi humein-tumhein