phone bhi aaya to shikwe ke li.e phool bhi bheja to murjhaya hua raaste ki mushkilein to jaan luun aata hogaa uskaa thukraaya hua

mujh aisa shaKHs agar qahqahon se bhar jaa.e ye saans letii udaasi to ghut ke mar jaa.e vo mere baad taras jaayega mohabbat ko use ye kehna agar ho sake to mar jaa.e

isee jagah isee din to hua tha ye elaan andhere haar ga.e zindabaad hindostaan

main choomta hooñ to vo haath kheench leta hai use pata hai ye seedhi kahaan pe jaani hai

titli se dosti na gulaabon ka shauq hai meri tarah use bhi kitaabon ka shauq hai

vaham hota hai ki choone se sanwar jaayegi sochta hooñ jo muqaddar mira zulfen teri

theek hai main fer leta hooñ nazar ko tum bhi jhumke se kaho gardan na choo men neeraj neer

na poochho mujhse kaisi lagti hooñ main neer saadi men kise achchhe nahin lagte mirii jaañ gaane nusrat ke

phir vahii rona muhabbat men gilaa shikwa jahaan se rasm hai bas isliye bhi tum ko saal-e-nau mubarak

choomne kii rasm baaki hai abhii bhi dar hai pahle deh ko ubatan na choo men