shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

kisi ko ghar se nikalte hi mil gaii manzil koi hamaari tarah umr bhar safar men raha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

ham vo hain jo KHuda ko bhool ga.e tum meri jaan kis gumaan men ho

jaisa dikhaai dene kii karte ho koshishein main khoob jaanta hooñ ki aise nahin ho tum

tumhaara pyaar to saanson men saans leta hai jo hota nashsha to ik din utar nahin jaata

raat to vaqt kii paaband hai dhal jaayegi dekhna ye hai charaaghon ka safar kitna hai

mohabbat ke gharo ke kacche-pan ko ye kahaan samjhen in aankhoñ ko to bas aata hai barsaatein badi karna

chraagh ghar ka ho mehfil ka ho ki mandir ka hawa ke paas koi maslahat nahin hoti