hamaare baad tere ishq men naye ladke badan to choomenge zulfen nahin sanvaarenge

ye alag baat ki KHaamosh khade rahte hain phir bhi jo log bade hain vo bade rahte hain

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

dekho ham koi wahshi nahin deewane hain tumse button khulwane nahin lagwane hain

ilaahi ek gham-e-rozgaar kya kam tha ki ishq bhej diya jaan-e-mubtala ke li.e

nahin itaab-e-zamaana khitaab ke qaabil tira javaab yahii hai ki muskuraaye ja

kyun hijr ke shikwe karta hai kyun dard ke rone rota hai ab ishq kiya to sabr bhi kar is men to yahii kuchh hota hai

tasavvur men bhi ab vo be-naqaab aate nahin mujh tak qayamat aa chuki hai log kahte hain shabaab aaya

mujhe to is khabar ne kho diya hai suna hai main kahii paaya gaya hooñ