koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

zinda raha main aaj bhi yaaron gazab ki baat hai mazloom hai bakhsha gaya kya khoobsurat raat hai

yuñ zor se na de duhaai zulm sahta shakhs tu roothe KHuda na aur bhi teraa KHuda hai so raha

zindagi barbaad hoti hai KHushi ko dhoondhte gar nikalte dhoondhne dukh ko mili hoti KHushi

vahii manzar ki baashinda kabhi ghar ja nahin paaya lage khaali magar ghar men bhara bhandaar khaalipan

ye shahar shor-sharaaba bahut sunaata hai magar pukaaroon kise to sukoot kaafi hai