tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ye mat bhoolo ki ye lamhaat ham ko bichhadne ke li.e milva rahe hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

vo chahta tha ki kaasa khareed le meraa main us ke taaj ki qeemat laga ke laut aaya

main parvaton se ladta raha aur chand log geeli zameen khod ke farhaad ho ga.e

roz taaron ko numaish men khalal padta hai chaand paagal hai andhere men nikal padta hai

main aaKHir kaun sa mausam tumhaare naam kar deta yahaañ har ek mausam ko guzar jaane ki jal dii thii

teri har baat mohabbat men gawara kar ke dil ke bazaar men baithe hain khasaara kar ke aasmaanon ki taraf fenk diya hai main ne chand miTTi ke charaaghon ko sitaara kar ke