shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

tu bhi kab mere mutaabik mujhe dukh de paaya kis ne bharna tha ye paimaana agar khaali tha ek dukh ye ki tu milne nahin aaya mujhse ek dukh ye hai us din meraa ghar khaali tha

pyaas agar meri bujha de to main jaanu varna tu samandar hai to hogaa mere kis kaam ka hai

do chaar din kii baat hai ye zindagi kii baat do chaar din ke pyaar ka qaail nahin hooñ dost

ek vaa'da hai kisi ka jo wafa hota nahin warna in taaron bharii raaton men kya hota nahin

ham faqeeron kii sooraton pe na ja ham kaii roop dhaar lete hain zindagi ke udaas lamhon ko muskuraa kar guzaar lete hain

ai sitaaron ke chahne vaalo

hai dua yaad magar harf-e-dua yaad nahin mere naghmaat ko andaaz-e-nava yaad nahin