tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

hazaaron saal nargis apni be-noori pe roti hai badi mushkil se hota hai chaman men deeda-war paida

ham apni jaan ke dushman ko apni jaan kahte hain mohabbat ki isee miTTi ko hindustan kahte hain

ab zaroori to nahin hai ki vo sab kuchh kah de dil men jo kuchh bhi ho aankhoñ se nazar aata hai main usse sirf ye kahtaa hoon ki ghar jaana hai aur vo maarnay marne pe utar aata hai

vo haathon se nikalte ja rahe hain jinhen sar pe bithaana chahta hoon

naya kuchh kar dikhaane ka iraada toot jaata hai kisi bacche ke haathon jab khilauna toot jaata hai

vo phir sataane lage yaad ham ko aa kar ke jinhen bhulaaya tha hamne khuda khuda kar ke

is qadar sakht zalim thii uski nazar saare taweez o dam beasar hi rahe

mujh se vo bolta nahin lekin mere baare men bolta hai bahut