shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

ye mujhe chain kyun nahin padta ek hi shaKHs tha jahaan men kya

kya khabar kaun tha vo aur meraa kya lagta tha jisse milkar mujhe har shaKHs bura lagta tha

main sang-e-meel tha to ye karna pada mujhe ta-umr raaste men theharna pada mujhe

khauf aata hai apne saa.e se hijr ke kis maqaam par hooñ main

jaise dekha ho aakhiri sapna raat itni udaas theen aañkhen

aaj meri ik ghazal ne us ke honton ko chhua aaj pahli baar apni shaayri achchhii lagii

bichhad jaayenge ham dono zameen par ye us ne aasmaañ par likh diya hai