tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

neend ke daayre men haazir hooñ khwaab ke raaste men haazir hooñ yaad hai ishq tha kabhi mujhse main usii silsile men haazir hooñ

ye bhi mumkin hai miyaan aankh bhigone lag jaaun vo kahe kaise ho tum aur main rone lag jaaun ai meri aankh men thehraaye hue vasl ke khwaab main tawatur se tere saath na sone lag jaaun

badh ke imkaan se nuqsaan uthaaye hue hain ham muhabbat men bahut naam kamaaye hue hain mere maula mujhe taabeer ki daulat de de maine ik shakhs ko kuchh khwaab dikhaaye hue hain