shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

khushi to bas zaraa si rah gayi hai udaasi hi udaasi rah gayi hai badan ki pyaas saari mit gaii par hamaari rooh pyaasi rah gaii hai

tumse milkar hamne jaana dil toda bhi ja saka hai

jab dekhe maine bechaare patthar aankhoñ se nikle tab khaare patthar

sab-ke-sab tere hi to bande hain ik barabar de baantne waale

haal apna chhupa nahin paate log jo muskuraa nahin paate ghar hamaara jala diya ke ham ghar kisi ka jala nahin paate