ab uski shaa dii ka qissa na chhedo bas itnaa kah do kaisi lag rahi thii

baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

tu mohabbat se koi chaal to chal haar jaane ka hausla hai mujhe

tum mohabbat ko khel kahte ho ham ne barbaad zindagi kar li

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

maazi bhi hai udaas mere haal kii tarah ye saal bhi guzar gaya har saal kii tarah

tu nahin to tira khayal sahi koii to ham-khayaal hai meraa

maine aa'saab ko patthar ka banaa rakkha hai ek dil hai ki jo banta nahin patthar jaisa ham faqeeron ko kabhi raas na aaya varna hamne paaya tha muqaddar to sikandar jaisa

main tujhko bhool jaaun magar mas'ala ye hai kaise kategi umr teri yaad ke baghair

manzilen laakh kathin aayen guzar jaaunga hausla haar ke baithoonga to mar jaaunga