tum mohabbat ko khel kahte ho ham ne barbaad zindagi kar li

hosh waalon ko khabar kya be-khu dii kya cheez hai ishq kijeye phir samjhiye zindagi kya cheez hai

ab lagta hai theek kaha tha ghalib ne badhte-badhte dard davaa ho jaata hai

zindagi kis tarah basar hogii dil nahin lag raha mohabbat men

ye ishq nahin aasaan itnaa hi samajh lijye ik aag ka dariyaa hai aur doob ke jaana hai

zulm mazloomon pe dhaana chhod do haq yatiimon ka dabana chhod do ye nahin kar sakte to behtar hai ye sar ko sajde men jhukaana chhod do

zulm kii mil ke qamar aise karenge KHam sab door ho jaayenge ye apne watan se gham sab KHvaab ajdaad ne jo dekha hai ik din uski dekhna KHoon se taabeer likhenge ham sab

zindagi ujde hue ghar ki tarah lagti hai baap ka saaya agar sar pe nahin hota hai

yuñ lag raha hai qatra-e-may lab par aapke jaise kisi gulaab ki patti par os ho

yuñ lag raha hai koo-e-butaan men mujhe shajar jaise main aaj khuld-e-bari men pahunch gaya