maana ki teri deed ke qaabil nahin hooñ main tu miraa shauq dekh miraa intizaar dekh

aaj dekha hai tujh ko der ke ba'd aaj ka din guzar na jaa.e kahii

jaanta hooñ ki tujhe saath to rakhte hain kaii poochna tha ki teraa dhyaan bhi rakhta hai koi

roya hooñ to apne doston men par tujh se to hañs ke hi mila hooñ

aaiine aankh men chubhte the bistar se badan katraata tha ek yaad basar karti thii mujhe main saans nahin le paata tha

har shaKHs par kiya na karo itnaa e'timaad har saaya-daar shay ko shajar mat kaha karo

watan kii ret zaraa ediyaan ragadne de mujhe yaqeen hai ki paani yahiin se niklega

kuchh na kehne se bhi chhin jaata hai ejaz-e-sukhan zulm sahne se bhi zalim kii madad hoti hai