Top 20 Sher by There’s art to be found

ranjish hi sahi dil hi dukhane ke liye aa aa phir se mujhe chhod ke jaane ke liye aa

ye mujhe chain kyun nahin padta ek hi shakhs tha jahan mein kya

hum ko un se wafa ki hai ummid jo nahin jaante wafa kya hai from her i hope for constancy who knows it not, to my dismay the poet mocks his own naivety in expecting loyalty from a beloved who is completely oblivious to the concept. it highlights a tragic irony where the lover's intense expectations are directed at someone incapable of fulfilling them, either due to innocence or cruel indifference.

aankh se dur na ho dil se utar jaega waqt ka kya hai guzarta hai guzar jaega

ai dost hum ne tark-e-mohabbat ke bawajud mahsus ki hai teri zarurat kabhi kabhi

zamane bhar ke gham ya ek tera gham ye gham hoga to kitne gham na honge your sorrow or a world of pain if this be there none will remain

muddat hui ek shakhs ne dil tod diya tha is waste apnon se mohabbat nahin karte

wo tutte hue rishton ka husn-e-akhir tha ki chup si lag gai donon ko baat karte hue

bad-qismati ko ye bhi gawara na ho saka hum jis pe mar mite wo hamara na ho saka

ilaj-e-dard-e-dil tum se masiha ho nahin sakta tum achchha kar nahin sakte main achchha ho nahin sakta

ho dur is tarah ki tera gham juda na ho pas aa to yun ki jaise kabhi tu mila na ho

ye hamin hain ki tera dard chhupa kar dil mein kaam duniya ke ba-dastur kiye jate hain tis only i who with your ache, in my heart replete silently the tasks assigned, do sincerely complete

ye baat tark-e-talluq ke ba'd hum samjhe kisi se tark-e-talluq bhi ek ta'alluq hai on breaking off relations, i did later find that severed ties are truly, bonds of a another kind

dil sarapa dard tha wo ibtida-e-ishq thi intiha ye hai ki 'fani' dard ab dil ho gaya

kuchh din ke ba'd us se juda ho gae 'munir' us bewafa se apni tabiat nahin mili

us ne aawara-mizaji ko naya mod diya pa-ba-zanjir kiya aur mujhe chhod diya

shauq chadhti dhup jata waqt ghatti chhanw hai ba-wafa jo aaj hain kal be-wafa ho jaenge

tere suluk ka gham subh-o-sham kya karte zara si baat pe jina haram kya karte

tere hi gham mein mar gae sad-shukr aakhir ek din to hum ko marna tha

kahte na the hum 'dard' miyan chhodo ye baaten pai na saza aur wafa kijiye us se