falsafi ko bahs ke andar KHuda milta nahin dor ko suljhaa raha hai aur sira milta nahin maarifat khaaliq ki aalam men bahut dushwaar hai shehr-e-tan men jab ki KHud apna pata milta nahin ghaafiloon ke lutf ko kaafi hai duniyaavi khushi aqiloon ko be-gham-e-uqba mazaa milta nahin kashti-e-dil ki ilaahi bahr-e-hasti men ho khairnaKHuda milte hain lekin ba-khuda milta nahin ghaafiloon ko kya sunaau daastaan-e-ishq-e-yaar sunne waale milte hain dard-aashna milta nahin zindagaani ka mazaa milta tha jin ki bazm men un ki qabron ka bhi ab mujh ko pata milta nahin sirf zaahir ho gaya sarmaaya-e-zeb-o-safa kya ta'ajjub hai jo baatin ba-safa milta nahin pukhta tabon par hawadis ka nahin hota asar kohsaaron men nishaan-e-naqsh-e-paa milta nahin shaikh-saahib brahman se laakh barten dosti be-bhajan gaaye to mandir se tika milta nahin jis pe dil aaya hai vo sheerin-ada milta nahin zindagi hai talkh jeene ka mazaa milta nahin log kahte hain ki bad-naami se bachna chahiye kah do be us ke jawaani ka mazaa milta nahin ahl-e-zaahir jis qadar chahein karen bahs-o-jidaal main ye samjha hooñ khu dii men to KHuda milta nahin chal base vo din ki yaaron se bharii thii anjuman haaye afsos aaj soorat-aashna milta nahin manzil-e-ishq-o-tawakkul manzil-e-ejaaz hai shah sab baste hain yaa koi gada milta nahin baar takleefon ka mujh par baar-e-ehsaan se hai sahal shukr ki ja hai agar haajat-rava milta nahin chaandni raatein bahaar apni dikhaati hain to kya be tire mujh ko to lutf ai mahlaqa milta nahin maani-e-dil ka kare izhaar akbar kis tarah lafz mauzoon bahr-e-kashf-e-muddaa milta nahin

gale to lagana hai usse kaho abhii lag jaa.e yahii na ho meraa uske baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e agar koi teri raftaar maapne nikle dimaagh kya hai jahaanon ki raushni lag jaa.e tu haath utha nahin saka to meraa haath pakad tujhe dua nahin lagti to shayari lag jaa.e pata karunga andhere men kis se milta hai aur is amal men mujhe chahe aag bhi lag jaa.e hamaare haath hi jalte rahenge cigarette se k abhii tumhaare bhi kapdon pe istree lag jaa.e har ek baat ka matlab nikaalne waalon tumhaare naam ke aage na matlabi lag jaa.e classroom ho ya hashr kaise mumkin hai hamaare hote teri ghair-haaziri lag jaa.e main pichhle bees baras se teri girift men hooñ ke itne der men to koi aayi jee lag jaa.e

ye vaham jaane mire dil se kyun nikal nahin raha ki us ka bhi mirii tarah se jee sambhal nahin raha koi varq dikha jo ashk-e-khoon se tar-b-tar na ho koi ghazal dikha jahaan vo daagh jal nahin raha main ek hijr-e-be-muraad jhelta hooñ raat din jo aise sabr ki tarah hai jis ka phal nahin raha to ab mire tamaam ranj mustaqil rahenge kya to kya tumhaari KHaamushi ka koi hal nahin raha kaddi masaafton ne kis ke paanv shal nahin ki.e koi dikhaao jo bichhad ke haath mal nahin raha

so rahenge ke jaagte rahenge ham tere khwaab dekhte rahenge tu kahii aur hi dhoondhta rahega ham kahii aur hi khile rahenge raahgeeron ne raah badalni hai ped apni jagah khade rahenge sabhi mausam hai dastaras men teri tune chaaha to ham hare rahenge lautna kab hai tune par tujhko aadatan hi pukaarte rahenge tujhko paane men mas'ala ye hai tujhko khone ke vasvase rahenge tu idhar dekh mujhse baate kar yaar chash men to phoote rahenge ek muddat hui hai tujhse mile tu to kahtaa tha raabte rahenge

kar loonga jama daulat-o-zar us ke baad kya le loonga shaandaar sa ghar us ke baad kya may ki talab jo hogii to ban jaaunga main rind kar loonga maykado ka safar us ke baad kya hogaa jo shauq husn se raaz-o-niyaaz ka kar loonga gesuon men sehar us ke baad kya she'r-o-sukhan ki khoob sajaaoonga mahfilein duniya men hogaa naam magar us ke baad kya mauj aayegi to saare jahaan ki karunga sair waapas wahin puraana nagar us ke baad kya ik roz maut zeest ka dar khatkhataayegi bujh jaayega charagh-e-qamar us ke baad kya u thii thii KHaak KHaak se mil jaayegi wahin phir us ke baad kis ko khabar us ke baad kya

aabaad rahenge veeraane shaadaab raheingi zanjeeren jab tak deewane zinda hain phoolengi falengi zanjeeren aazaa dii ka darwaaza bhi KHud hi kholengi zanjeeren tukde tukde ho jaayeñgi jab had se badhengi zanjeeren jab sab ke lab sil jaayenge haathon se qalam chhin jaayenge baatil se loha lene ka elaan karengi zanjeeren andhon behron kii nagri men yuñ kaun tavajjoh karta hai maahol sunega dekhega jis vaqt bajengi zanjeeren jo zanjeeron se baahar hain azaad unhen bhi mat samjho jab haath katenge zalim ke us vaqt kattengi zanjeeren zanjeeren to kat jaayeñgi haan un ke nishaan rah jaayenge meraa kya hai zalim tujh ko badnaam karengi zanjeeren ye daur bhi hain sayyaa dii ke ye dhang bhi hain jallaa dii ke simtegi sikudengi zanjeeren phailengi falengi zanjeeren le de ke hafeez unse hi thii ummeed-e-wafa deewaanon ko kya hogaa jab deewaanon se naata todenge zanjeeren