vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

chaand sitaare phool parinde shaam savera ek taraf saari duniya uskaa charba uskaa chehra ek taraf vo ladhkar bhi so jaa.e to uskaa maatha choomun main usse muhabbat ek taraf hai usse jhagda ek taraf jis shay par vo ungli rakh de us..ko vo dilwaani hai uski khushiyaan sab se awwal sasta mehnga ek taraf zaKHmon par marham lagwao lekin uske haathon se chaarasaazi ek taraf hai uskaa choona ek taraf saari duniya jo bhi bole sab kuchh shor sharaaba hai sab ka kehna ek taraf hai uskaa kehna ek taraf usne saari duniya maangi maine us..ko maanga hai uske sapne ek taraf hai meraa sapna ek taraf

tu bigadta bhi hai khaas apne hi andaaz ke saath phool khilte hain tire shola-e-aawaaz ke saath ek baar aur bhi kyun arz-e-tamanna na karoon ki tu inkaar bhi karta hai ajab naaz ke saath lay jo tooti to sadaa aayi shikast-e-dil ki rag-e-jaan ka koi rishta hai rag-e-saaz ke saath tu pukaare to chamak uthatii hain meri aañkhen teri soorat bhi hai shaamil tiri awaaz ke saath jab tak arzaan hai zamaane men kabootar ka lahu zulm hai rabt rakhoon gar kisi shahbaaz ke saath past itni to na thii meri shikast ai yaaro par samete hain magar hasrat parwaaz ke saath pahre baithe hain qafas par ki hai sayyaad ko vaham par-shikaston ko bhi ik rabt hai parwaaz ke saath umr bhar sang-zanee karte rahe ahl-e-watan ye alag baat ki dafnaayenge e'zaaz ke saath

kahii vo mirii mohabbat men ghul raha hi na ho KHuda kare use ye tajurba hua hi na ho supurdagi miraa mea'ar to nahin lekin main sochta hooñ tire roop men KHuda hi na ho main tujh ko pa ke bhi kis shaKHs ki talash men hooñ mire khayal men koi tire siva hi na ho vo uzr kar ki mire dil ko bhi yaqeen aa.e vo geet ga ki jo main ne k abhii suna hi na ho vo baat kar jise faila ke main ghazal kah luun sunaau she'r jo main ne abhii likha hi na ho sehar ko dil ki taraf ye dhuaan sa kaisa hai kahii ye miraa diya raat-bhar jala hi na ho ho kaise jabr-e-mashiyyat ko is dua ka lihaaz jo ek baar mile phir k abhii juda hi na ho ye abr-o-kisht ki duniya men kaise mumkin hai ki umr-bhar ki vafaa ka koi sila hi na ho mirii nigaah men vo ped bhi hai bad-kirdaar lada hua ho jo phal se magar jhuka hi na ho jo dasht dasht se phoolon ki bheek maangata tha kahii vo tod ke kashkol mar gaya hi na ho tuloo-e-subh ne chamka diye hain abr ke chaak nadeem ye miraa daaman-e-muddaa hi na ho

main kisi shaKHs se bezaar nahin ho saka ek zarra bhi to be-kaar nahin ho saka is qadar pyaar hai insaan ki khataaon se mujhe ki farishta miraa mea'ar nahin ho saka ai KHuda phir ye jahannam ka tamasha kya hai teraa shehkaar to finnaar nahin ho saka ai haqeeqat ko faqat KHvaab samajhne waale tu kabhi saahib-e-asraar nahin ho saka tu ki ik mauja-e-nikhat se bhi chaunk uthata hai hashr aata hai to bedaar nahin ho saka sar-e-deewaar ye kyun nirakh ki takraar hui ghar ka aangan kabhi bazaar nahin ho saka raakh si majlis-e-aqwaam ki chutki men hai kya kuchh bhi ho ye miraa pindaar nahin ho saka is haqeeqat ko samajhne men lutaaya kya kuchh miraa dushman miraa gham-khwaar nahin ho saka main ne bheja tujhe aivaan-e-hukoomat men magar ab to barson tira deedaar nahin ho saka teergii chahe sitaaron ki sifaarish laaye raat se mujh ko sarokaar nahin ho saka vo jo she'r'on men hai ik shay pas-e-alfaaz nadeemus ka alfaaz men izhaar nahin ho saka

ehsaas men phool khil rahe hain patjhad ke ajeeb silsile hain kuchh itni shadeed teergii hai aankhoñ men sitaare tairte hain dekhen to hawa jamee hui hai sochen to darakht jhoomte hain suqraat ne zahar pee liya tha ham ne jeene ke dukh sahe hain ham tujh se bigad ke jab bhi uthe phir tere huzoor aa ga.e hain ham aks hain ek doosre ka chehre ye nahin hain aaine hain lamhon ka ghubaar chha raha hai yaadon ke charaaghh jal rahe hain suraj ne ghane sanobaron men jaale se shua'on ke bune hain yaksaan hain firaq-o-wasl dono ye marhale ek se karde hain pa kar bhi to neend ud gaii thii kho kar bhi to rat-jage mile hain jo din tiri yaad men kate the maazi ke khandar bane khade hain jab teraa jamaal dhoondte the ab teraa khayal dhoondte hain ham dil ke gudaaz se hain majboor jab KHush bhi hue to roye hain ham zinda hain ai firaq ki raat pyaari tire baal kyun khule hain

miraa ghuroor tujhe kho ke haar maan gaya main chot kha ke magar apni qadr jaan gaya kahii ufuq na mila meri dasht-gar dii ko main teri dhun men bharii kaayenaat chaan gaya KHuda ke baa'd to be-intihaa andhera hai tiri talab men kahaan tak na miraa dhyaan gaya jabeen pe bal bhi na aata ganwa ke dono-jahaan jo tu china to main apni shikast maan gaya badalte rang the teri umang ke ghazmaaz tu mujh se bichhda to main teraa raaz jaan gaya KHud apne aap se main shikwa-sanj aaj bhi hooñ nadeem yuñ to mujhe ik jahaan maan gaya