seena dahak raha ho to kya chup rahe koi kyun cheekh cheekh kar na gala chheel le koi saabit hua sukoon-e-dil-o-jaan kahii nahin rishton men dhoondhta hai to dhoonda kare koi tark-e-taalluqaat koi mas'ala nahin ye to vo raasta hai ki bas chal pade koi deewaar jaanta tha jise main vo dhool thii ab mujh ko e'timaad ki daawat na de koi main KHud ye chahta hooñ ki haalaat hooñ KHaraab mere KHilaaf zahar ugalta phire koi ai shaKHs ab to mujh ko s abhii kuchh qubool hai ye bhi qubool hai ki tujhe cheen le koi haan theek hai main apni ana ka mareez hooñ aaKHir mere mizaaj men kyun dakhl de koi ik shaKHs kar raha hai abhii tak vafaa ka zikr kaash us zabaan-daraaz ka munh noch le koi

aap jaison ke li.e is men rakha kuchh bhi nahin lekin aisa to na kahiye ki vafaa kuchh bhi nahin aap kahiye to nibhaate chale jaayenge magar is ta'alluq men aziyyat ke siva kuchh bhi nahin main kisi tarah bhi samjhauta nahin kar saka ya to sab kuchh hi mujhe chahiye ya kuchh bhi nahin kaise jaana hai kahaan jaana hai kyun jaana hai ham ki chalte chale jaate hain pata kuchh bhi nahin haaye is shahar ki raunaq ke main sadqe jaaun aisi bharpoor hai jaise ki hua kuchh bhi nahin phir koi taaza sukhun dil men jagah karta hai jab bhi lagta hai ki likhne ko bacha kuchh bhi nahin ab main kya apni mohabbat ka bharam bhi na rakhoon maan leta hooñ ki us shaKHs men tha kuchh bhi nahin main ne duniya se alag rah ke bhi dekha javvaad aisi munh-zor udaasi ki davaa kuchh bhi nahin

chadar ki izzat karta hoon aur parde ko maanta hoon har parda parda nahin hota itnaa main bhi jaanta hoon saare mard ek jaise hain tumne kaise kah daala main bhi to ek mard hoon tumko KHud se behtar maanta hoon maine usse pyaar kiya hai milkiiyat ka daava nahin vo jiske bhi saath hai main us..ko bhi apna maanta hoon chadar ki izzat karta hoon aur parde ko maanta hoon har parda parda nahin hota itnaa main bhi jaanta hoon

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

barson puraana dost mila jaise gair ho dekha ruka jhijhak ke kaha tum umair ho milte hain mushkilon se yahaañ ham-khayaal log tere tamaam chaahne waalon ki KHair ho kamre men cigaretteon ka dhuaan aur teri mahak jaise shadeed dhundh men baagon ki sair ho ham mutmain bahut hain agar KHush nahin bhi hain tum KHush ho kya hua jo hamaare baghair ho pairo'n men uske sar ko dharen iltijaa karen ik iltijaa ki jiska na sar ho na pair ho

maqtal-e-jaan se ki zindaan se ki ghar se nikle ham to KHushboo ki tarah nikle jidhar se nikle gar qayamat ye nahin hai to qayamat kya hai shahar jalta raha aur log na ghar se nikle jaane vo kaun si manzil thii mohabbat ki jahaan mere aañsu bhi tire deeda-e-tar se nikle dar-b-dari ka ha men taana na de ai chashm-e-ghazal dekh vo KHvaab ki jis ke li.e ghar se nikle meraa rehzan hua kya kya na pashemaan ki jab is ke naa men mere asbaab-e-safar se nikle bar-sar-e-dosh rahe ya sar-e-nezaa ya-rab haq-parasti ka na sauda kabhi sar se nikle

vo KHvaab hi sahi peshe-e-nazar to ab bhi hai bichhadne vaala shareek-e-safar to ab bhi hai zabaan burida sahi main khizan-gazeeda sahi hara-bhara mira zakhm-e-hunar to ab bhi hai suna tha ham ne ki mausam badal ga.e hain magar zameen se faaslaa-e-abr-e-tar. to ab bhi hai hamaari dar-badri par na jaaie ki ha men shuur-e-saaya-e-deewaar-o-dar to ab bhi hai havas ke daur men mamnoon-e-yaad-e-yaar hain ham ki yaad-e-yaar dilon ki sipar to ab bhi hai kahaaniyaan hain agar mo'tabar to phir ik shaKHs kahaaniyon ki tarah mo'tabar to ab bhi hai hazaar kheench le suraj hisaar-e-abr magar kiran kiran pe girift-e-nazar to ab bhi hai samundron se zameenon ko khauf kya ki umeed numoo-pazeer zameen-e-hunar to ab bhi hai magar ye kaun badalti hui rutoon se kahe shajar men saaya nahin hai shajar to ab bhi hai

ik aisa marhala-e-rah-guzar bhi aata hai koi faseel-e-ana se utar bhi aata hai tiri talash men jaane kahaan bhatk jaaun safar men dasht bhi aata hai ghar bhi aata hai talash saa.e ki laai jo dasht se to khula azaab-e-soorat-e-deewaar-o-dar bhi aata hai sakoon to jab ho ki main chaanv sehan men dekhooñ nazar to vaise gali ka shajar bhi aata hai badan ki KHaak samete hue ho kya logon safar men lamha-e-tark-e-safar bhi aata hai dilon ko zakham na do harf-e-na-mulaayem se ye teer vo hai ki jo laut kar bhi aata hai main shahar men kise ilzaam-e-na-shanaasi doon ye harf KHud mire kirdaar par bhi aata hai nazar ye kis se mili na-gahaan ki yaad aaya isee gali men kahii meraa ghar bhi aata hai hawa ke rukh pe nazar taairaam-e-khush-parvaaz qafas ka saaya pas-e-baal-o-par bhi aata hai main harf harf men utara hooñ raushni ki tarah so kaayenaat ka chehra nazar bhi aata hai lahu se harf taraashein jo meri tarah ummeed unhin ke hisse men zakhm-e-hunar bhi aata hai

kab tak is pyaas ke sehra men jhulaste jaayen ab ye baadal jo uthe hain to barsate jaayen kaun batlaaye tumhein kaise vo mausam hain ki jo mujh se hi door rahen mujh men hi baste jaayen ham se azaad-mizaajon pe ye uftaad hai kya chahte jaayen use KHud ko tarsate jaayen haaye kya log ye aabaad hue hain mujh men pyaar ke lafz likhen lehje se daste jaayen aaina dekhooñ to ik chehre ke be-rang nuqoosh ek na-deeda si zanjeer men kaste jaayen juz mohabbat kise aaya hai muyassar ummeed aisa lamha ki jidhar sadiyon ke raaste jaayen

naaz kar naaz ki ye naaz juda hai sab se miraa lahjaa mirii awaaz juda hai sab se juz mohabbat kise maaloom ki vo chashm-e-haya baat to karti hai andaaz juda hai sab se jis ko bhi maar diya zinda-e-jaaved kiya harf-e-haq teraa ye ej'aaz juda hai sab se dekhna kaun hai kya us ko nahin jaan-e-azeez sar-e-darbaar ik awaaz juda hai sab se toot jaata hai to sur aur bhi lau dete hain dil jise kahte hain vo saaz juda hai sab se soch kar daam bichaana zaraa ai mauj-e-hawa mere inkaar ki parvaaz juda hai sab se nashsha-e-dahr-o-qayaamat ka to kya zikr umeed vo miraa sarv-e-sar-afraaz juda hai sab se