is tarah se na aajmao mujhe uski tasveer mat dikhaao mujhe ain mumkin hai main palat aaun uski aawaaz men bulao mujhe maine bola tha yaad mat aanaa jhooth bola tha yaad aao mujhe

chaarasaazon ke bas ki baat nahin main davaaon ke bas ki baat nahin chahta hoon main deemakon se najaat jo kitaabon ke bas ki baat nahin teri KHushboo ko qaid men rakhna itrdaanon ke bas ki baat nahin khatm kar de azaab kabron ka taajmahalon ke bas ki baat nahin aansuon men jo jhilmilahat hai vo sitaaron ke bas ki baat nahin aisa lagta hai ab teraa deedaar sirf aankhoñ ke bas ki baat nahin

kya dukh hai samundar ko bataa bhi nahin saka aañsu ki tarah aankh tak aa bhi nahin saka tu chhod raha hai to KHataa is men tiri kya har shaKHs mira saath nibha bhi nahin saka pyaase rahe jaate hain zamaane ke savaalaat kis ke li.e zinda hooñ bataa bhi nahin saka ghar dhundh rahe hain mira raaton ke pu jaarii main hooñ ki charaaghon ko bujha bhi nahin saka vaise to ik aañsu hi baha kar mujhe le jaa.e aise koi toofaan hila bhi nahin saka

jis tarah waqt guzarne ke li.e hota hai aadmi shakl pe marne ke li.e hota hai teri aankhoñ se mulaqaat hui tab ye khula doobne vaala ubharne ke li.e hota hai ishq kyun peeche hata baat nibhaane se miyaan husn to khair mukarne ke li.e hota hai aankh hoti hai kisi raah ko takne ke li.e dil kisi paanv pe dharne ke li.e hota hai dil ki dilli ka chunaav hi alag hai sahab jab bhi hota hai ye harne ke li.e hota hai koi bastii ho ujhadne ke li.e bastii hai koi mazma ho bikharna ke li.e hota hai

kal shab libaas usne jo pahna gulaab ka KHushboo gulaab ki kahii charcha gulaab ka dekhi haseen logon ki aulaad bhi haseen paudhe se ugta dekha hai paudha gulaab ka main tha gulaab todne waalon ke shahar se aur us..ko chahiye tha bagicha gulaab ka sunte ho aaj toot gaya laadle ka dil ab uske aage zikr na karna gulaab ka

aql ne ham ko yuñ bhatkaaya rah na sake deewane bhi aabaa dii ko dhoondhne nikle kho baithe veeraane bhi chashm-e-saaqi bhi nam hai lau dete hain paimaane bhi tishna-labi ke sail-e-tapaan se bach na sake maykhaane bhi sang-e-jafa ko khush-khabri do muzda do zanjeeron ko shehar-e-khirad men aa pahunchen hain ham jaise deewane bhi ham ne jab jis dost ko bhi aaina dikhaaya maazi ka hairaan ho kar aks ne poocha aap mujhe pahchaane bhi jism ki tishna-saamaani se jism hi na-aasooda nahin toot ga.e is zad par aa kar rooh ke taane-baane bhi andeshe aur bazm-e-jaanan daar ka zikr aur itnaa sukoot deewaanon ke bhes men shaayad aa pahunchen farzaane bhi

vo KHvaab hi sahi peshe-e-nazar to ab bhi hai bichhadne vaala shareek-e-safar to ab bhi hai zabaan burida sahi main khizan-gazeeda sahi hara-bhara mira zakhm-e-hunar to ab bhi hai suna tha ham ne ki mausam badal ga.e hain magar zameen se faaslaa-e-abr-e-tar. to ab bhi hai hamaari dar-badri par na jaaie ki ha men shuur-e-saaya-e-deewaar-o-dar to ab bhi hai havas ke daur men mamnoon-e-yaad-e-yaar hain ham ki yaad-e-yaar dilon ki sipar to ab bhi hai kahaaniyaan hain agar mo'tabar to phir ik shaKHs kahaaniyon ki tarah mo'tabar to ab bhi hai hazaar kheench le suraj hisaar-e-abr magar kiran kiran pe girift-e-nazar to ab bhi hai samundron se zameenon ko khauf kya ki umeed numoo-pazeer zameen-e-hunar to ab bhi hai magar ye kaun badalti hui rutoon se kahe shajar men saaya nahin hai shajar to ab bhi hai

ik aisa marhala-e-rah-guzar bhi aata hai koi faseel-e-ana se utar bhi aata hai tiri talash men jaane kahaan bhatk jaaun safar men dasht bhi aata hai ghar bhi aata hai talash saa.e ki laai jo dasht se to khula azaab-e-soorat-e-deewaar-o-dar bhi aata hai sakoon to jab ho ki main chaanv sehan men dekhooñ nazar to vaise gali ka shajar bhi aata hai badan ki KHaak samete hue ho kya logon safar men lamha-e-tark-e-safar bhi aata hai dilon ko zakham na do harf-e-na-mulaayem se ye teer vo hai ki jo laut kar bhi aata hai main shahar men kise ilzaam-e-na-shanaasi doon ye harf KHud mire kirdaar par bhi aata hai nazar ye kis se mili na-gahaan ki yaad aaya isee gali men kahii meraa ghar bhi aata hai hawa ke rukh pe nazar taairaam-e-khush-parvaaz qafas ka saaya pas-e-baal-o-par bhi aata hai main harf harf men utara hooñ raushni ki tarah so kaayenaat ka chehra nazar bhi aata hai lahu se harf taraashein jo meri tarah ummeed unhin ke hisse men zakhm-e-hunar bhi aata hai

kab tak is pyaas ke sehra men jhulaste jaayen ab ye baadal jo uthe hain to barsate jaayen kaun batlaaye tumhein kaise vo mausam hain ki jo mujh se hi door rahen mujh men hi baste jaayen ham se azaad-mizaajon pe ye uftaad hai kya chahte jaayen use KHud ko tarsate jaayen haaye kya log ye aabaad hue hain mujh men pyaar ke lafz likhen lehje se daste jaayen aaina dekhooñ to ik chehre ke be-rang nuqoosh ek na-deeda si zanjeer men kaste jaayen juz mohabbat kise aaya hai muyassar ummeed aisa lamha ki jidhar sadiyon ke raaste jaayen

ai dil-e-khud-na-shanaas aisa bhi kya aaina aur is qadar andha bhi kya us ko dekha bhi magar dekha bhi kya arsaa-e-khwaahish men ik lamha bhi kya dard ka rishta bhi hai tujh se bahut aur phir ye dard ka rishta bhi kiya zindagi KHud laakh zahron ka thii zahar zahar-e-gham tujh se mira hota bhi kya poochta hai raah-rau se ye saraab tishnagi ka naam hai dariyaa bhi kya kheenchti hai aql jab koi hisaar dhoop kahti hai ki ye saaya bhi kya uf ye lau deti hui tanhaaiyaan shahar men aabaad hai sehra bhi kya KHud use darkaar thii mirii nazar khud-numa jalwa mujhe deta bhi kya raqs karna har naye jhonke ke saath barg-e-aawara hai ye duniya bhi kya khanda-zan gham par khushi par ashk-baar in dinon yaaro hai rang apna bhi kya be-tab-o-taab-e-shuaa-e-aagahi ishq kahiye jis ko vo shola bhi kya gahe gahe pyaar ki bhi ik nazar ham se roothe hi raho aisa bhi kya ai mirii takhleeq-e-fan tere baghair main ki sab kuchh tha magar main tha bhi kya naghma-e-jaan ko giraa'n-gosho'n ke paas na-rasaai ke siva milta bhi kya