kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

parde men laakh phir bhi numoodaar kaun hai hai jis ke dam se garmi-e-baazaar kaun hai vo saamne hai phir bhi dikhaai na de sake mere aur us ke beech ye deewaar kaun hai baagh-e-wafaa men ho nahin saka ye faisla sayyaad yaa pe kaun girftaar kaun hai maana nazar ke saamne hai be-shumaar dhund hai dekhna ki dhund ke is paar kaun hai kuchh bhi nahin hai paas pe rehta hai phir bhi KHush sab kuchh hai jis ke paas vo bezaar kaun hai yuñ to dikhaai dete hain asraar har taraf khulta nahin ki saahib-e-asraar kaun hai amjad alag si aap ne khuli hai jo dukaaan jins-e-hunar ka yaa ye khareedaar kaun hai

aainon men aks na hon to hairat rahtii hai jaise khaali aankhoñ men bhi vehshat rahtii hai har dam duniya ke hangaa men ghere rakhte the jab se tere dhyaan lage hain furqat rahtii hai karne hai to khul ke karo inkaar-e-wafa ki baat baat adhuri rah jaa.e to hasrat rahtii hai shehar-e-sukhan men aisa kuchh kar izzat ban jaa.e sab kuchh miTTi ho jaata hai izzat rahtii hai bante bante dhah jaati hai dil ki har taameer KHvaahish ke bharoop men shaayad qismat rahtii hai saa.e larzate rahte hain shehron ki galiyon men rahte the insaan jahaan ab dahshat rahtii hai mausam koi KHushboo le kar aate jaate hain kya kya ham ko raat ga.e tak vehshat rahtii hai dhyaan men mela sa lagta hai beetii yaadon ka akshar us ke gham se dil ki sohbat rahtii hai phoolon ki takhti par jaise rangon ki tahreer lauh-e-sukhan par aise amjad shohrat rahtii hai

bheed men ik ajnabi ka saamna achha laga sab se chhup kar vo kisi ka dekhna achha laga sur main aankhoñ ke neeche phool se khilne lage kahte kahte kuchh kisi ka sochna achha laga baat to kuchh bhi nahin theen lekin us ka ek dam haath ko honton pe rakh kar rokna achha laga chaai men cheeni milaana us ghadi bhaaya bahut zer-e-lab vo muskurata shukriya achha laga dil men kitne ahd baandhe the bhulaane ke use vo mila to sab iraade todna achha laga be-iraada lams ki vo sansanee pyaari lagii kam tavajjoh aankh ka vo dekhna achha laga neem-shab ki khaamoshi men bheegti sadkon pe kal teri yaadon ke jilau men ghoomna achha laga is adoo-e-jaan ko amjad main bura kaise kahooñ jab bhi aaya saamne vo be-vafa achha laga

kisi ki aankh men KHud ko talash karna hai phir us ke b'ad ha men aainon se darna hai falak ki band gali ke faqeer hain taare ki ghoom phir ke yahiin se unhen guzarna hai jo zindagi thii mirii jaan tere saath gaii bas ab to umr ke naqshe men vaqt bharna hai jo tum chalo to abhii do qadam men kat jaa.e jo fasla mujhe sadiyon men paar karna hai to kyun na aaj yahiin par qayaam ho jaa.e ki shab qareeb hai aaKHir kahii theharna hai vo meraa sail-e-talb ho ki teri raa'naai chadha hai jo bhi samundar use utarna hai sehar hui to sitaaron ne moond leen aañkhen vo kya karen ki jinhen intizaar karna hai ye KHvaab hai ki haqeeqat khabar nahin amjad magar hai jeena yahiin par yahiin pe marna hai

tumhaara haath jab mire larzate haath se chhoota khizaan ke aakhiri din the vo mohkam be-lachak vaa'da khilaune ki tarah toota khizaan ke aakhiri din the bahaar aayi na thii lekin hawaon men naye mausam ki khushboo raqs karti thii achaanak jab kaha tum ne mire munh par mujhe jhoota khizaan ke aakhiri din the vo kya din the yahiin ham ne bahaaron ki dua ki thii kisi ne bhi nahin socha chaman waalon ne mil kar jab KHud apna hi chaman lootaa khizaan ke aakhiri din the likha tha ek takhti par koi bhi phool mat tode magar aandhi to an-padh thii so jab vo baagh se guzri koi ukhadta koi toota khizaan ke aakhiri din the bahut hi zor se peete hawa ke bein par seene hamaare khair-khwaaho ne ki chaan dii ke varq jaisa samay ne jab ha men koota khizaan ke aakhiri din the na rut thii aandhiyon ki ye na mausam tha hawaon ka to phir ye kya hua amjad har ik konpal hui zakhmi hua majrooh har boota khizaan ke aakhiri din the