vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

parde men laakh phir bhi numoodaar kaun hai hai jis ke dam se garmi-e-baazaar kaun hai vo saamne hai phir bhi dikhaai na de sake mere aur us ke beech ye deewaar kaun hai baagh-e-wafaa men ho nahin saka ye faisla sayyaad yaa pe kaun girftaar kaun hai maana nazar ke saamne hai be-shumaar dhund hai dekhna ki dhund ke is paar kaun hai kuchh bhi nahin hai paas pe rehta hai phir bhi KHush sab kuchh hai jis ke paas vo bezaar kaun hai yuñ to dikhaai dete hain asraar har taraf khulta nahin ki saahib-e-asraar kaun hai amjad alag si aap ne khuli hai jo dukaaan jins-e-hunar ka yaa ye khareedaar kaun hai

auron ka tha bayaan to mauj sadaa rahe KHud umr bhar aseer-e-lab-e-muddaa rahe misl-e-habaab behr-e-gham-e-haadsaat men ham zer-e-baar-e-minnat-e-aab-o-hawaa rahe ham us se apni baat ka maange agar javaab lehron ka pech-o-kham vo khada dekhta rahe aaya to apni aankh bhi apni na ban saki ham sochte the us se kabhi saamna rahe gulshan men the to rounaq-e-rang-e-chaman bane jungle men ham amanat-e-baad-e-saba rahe surkhi bane to khun-e-shaheedaan ka rang the raushan hue to mash'al-e-raah-e-baqa rahe amjad dar-e-nigaar pe dastak hi deejie is be-karaan sukoot men kuchh ghalghala rahe

aainon men aks na hon to hairat rahtii hai jaise khaali aankhoñ men bhi vehshat rahtii hai har dam duniya ke hangaa men ghere rakhte the jab se tere dhyaan lage hain furqat rahtii hai karne hai to khul ke karo inkaar-e-wafa ki baat baat adhuri rah jaa.e to hasrat rahtii hai shehar-e-sukhan men aisa kuchh kar izzat ban jaa.e sab kuchh miTTi ho jaata hai izzat rahtii hai bante bante dhah jaati hai dil ki har taameer KHvaahish ke bharoop men shaayad qismat rahtii hai saa.e larzate rahte hain shehron ki galiyon men rahte the insaan jahaan ab dahshat rahtii hai mausam koi KHushboo le kar aate jaate hain kya kya ham ko raat ga.e tak vehshat rahtii hai dhyaan men mela sa lagta hai beetii yaadon ka akshar us ke gham se dil ki sohbat rahtii hai phoolon ki takhti par jaise rangon ki tahreer lauh-e-sukhan par aise amjad shohrat rahtii hai

na aasmaañ se na dushman ke zor o zar se hua ye mojza to mire dast-e-be-hunar se hua qadam utha hai to paanv tale zameen hi nahin safar ka ranj ha men khwaahish-e-safar se hua main bheeg bheeg gaya aarzoo ki baarish men vo aks aks men taqseem chashm-e-tar se hua siyaahi shab ki na chehron pe aa gaii ho kahii sehar ka khauf ha men aainon ke dar se hua koi chale to zameen saath saath chalti hai ye raaz ham pe ayaan gard-e-rahguzar se hua tire badan ki mahak hi na thii to kya rukte guzar hamaara kaii baar yuñ to ghar se hua kahaan pe soye the amjad kahaan khuliin aañkhen gumaan qafas ka ha men apne baam-o-dar se hua

kamaal-e-husn hai husn-e-kamaal se baahar azal ka rang hai jaise misaal se baahar to phir vo kaun hai jo maavra hai har shay se nahin hai kuchh bhi yahaañ gar khayal se baahar ye kaayenaat saraapa javaab hai jis ka vo ik sawaal hai phir bhi sawaal se baahar hai yaad ahl-e-watan yuñ ki reg-e-saahil par giri hui koi machhlii ho jaal se baahar ajeeb silsila-e-rang hai tamannaa bhi had-e-urooj se aage zawaal hai baahar na us ka ant hai koi na isti'aara hai ye daastaan hai hijr-o-visaal se baahar dua buzurgon ki rakhti hai zakham ulfat ko kisi ilaaj kisi indimaal se baahar bayaañ ho kis tarah vo kaifiyat ki hai amjad mirii talab se faraawan majaal se baahar