vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

aaiine aankh men chubhte the bistar se badan katraata tha ek yaad basar karti thii mujhe main saans nahin le paata tha ek shakhs ke haath men tha sab kuchh meraa khilna bhi murjhaana bhi rota tha to raat ujad jaati hansata tha to din ban jaata tha main rab se raabte men rehta mumkin hai ki us se raabta ho mujhe haath uthaana padte the tab jaakar vo phone uthaata tha mujhe aaj bhi yaad hai bachpan men kabhi us par nazar agar padti mere baste se phool barsate the meri takhti pe dil ban jaata tha ham ek zindaan men jinda the ham ek janjeer men badhe hue ek doosre ko dekh kar ham kabhi hansate the to rona aata tha vo jism nazarandaaz nahin ho paata tha in aankhoñ se mujrim thehrata tha apna kehne ko to ghar thehrata tha

suna hai log use aankh bhar ke dekhte hain so us ke shahar men kuchh din thehar ke dekhte hain suna hai rabt hai us ko kharaab-haalon se so apne aap ko barbaad kar ke dekhte hain suna hai dard ki gaahak hai chashm-e-naaz us ki so ham bhi us ki gali se guzar ke dekhte hain suna hai us ko bhi hai she'r o shaayri se shagaf so ham bhi mo'jize apne hunar ke dekhte hain suna hai bole to baaton se phool jhadte hain ye baat hai to chalo baat kar ke dekhte hain suna hai raat use chaand takta rehta hai sitaare baam-e-falak se utar ke dekhte hain suna hai din ko use titliyan sataati hain suna hai raat ko jugnoo thehar ke dekhte hain suna hai hashr hain us ki ghazaal si aañkhen suna hai us ko hiran dasht bhar ke dekhte hain suna hai raat se badh kar hain kaakulen us ki suna hai shaam ko saa.e guzar ke dekhte hain suna hai us ki siyah-chashmagi qayamat hai so us ko surma-farosh aah bhar ke dekhte hain suna hai us ke labon se gulaab jalte hain so ham bahaar pe ilzaam dhar ke dekhte hain suna hai aaina timsaal hai jabeen us ki jo saada dil hain use ban-sanwar ke dekhte hain suna hai jab se hamaail hain us ki gardan men mizaaj aur hi laal o guhar ke dekhte hain suna hai chashm-e-tasavvur se dasht-e-imkaan men palang zaaviye us ki kamar ke dekhte hain suna hai us ke badan ki taraash aisi hai ki phool apni qabaayein katar ke dekhte hain vo sarv-qad hai magar be-gul-e-muraad nahin ki us shajar pe shagoofe samar ke dekhte hain bas ik nigaah se lutta hai qaafila dil ka so rah-ravaan-e-tamanna bhi dar ke dekhte hain suna hai us ke shabistaan se muttasil hai behisht makeen udhar ke bhi jalwe idhar ke dekhte hain ruke to gardishein us ka tawaaf karti hain chale to us ko zamaane thehar ke dekhte hain kise naseeb ki be-pairhan use dekhe kabhi kabhi dar o deewaar ghar ke dekhte hain kahaaniyaan hi sahi sab mubaalga hi sahi agar vo KHvaab hai taabeer kar ke dekhte hain ab us ke shahar men thehre ki kooch kar jaayen faraaz aao sitaare safar ke dekhte hain

jinko maaloom nahin hogaa dua ka matlab vo ha men KHaak bataaenge KHuda ka matlab vo ye kahte hain mohabbat men saza paoge aur main khoob samajhta hooñ saza ka matlab yaanii kaanton se main KHushboo ke maani poochoon yaanii ab aap bataaenge vafaa ka matlab

aisa KHaamosh to manzar na fana ka hota mirii tasveer bhi girti to chhanaaka hota yuñ bhi ik baar to hota ki samundar bahta koi ehsaas to dariyaa ki ana ka hota saans mausam ki bhi kuchh der ko chalne lagti koi jhonka tiri palkon ki hawa ka hota kaanch ke paar tire haath nazar aate hain kaash KHushboo ki tarah rang hina ka hota kyun mirii shakl pahan leta hai chhupne ke li.e ek chehra koi apna bhi KHuda ka hota

har ek gham nichod ke har ik baras ji.e do din ki zindagi men hazaaron baras ji.e sadiyon pe ikhtiyaar nahin tha hamaara dost do chaar lamhe bas men the do chaar bas ji.e sehra ke us taraf se ga.e saare kaarwaan sun sun ke ham to sirf sada-e-jars ji.e honton men le ke raat ke aanchal ka ik sira aankhoñ pe rakh ke chaand ke honton ka mas ji.e mahdood hain duaaein mire ikhtiyaar men har saans pur-sukoon ho tu sau baras ji.e

tinka tinka kaañte tode saari raat kataai ki kyun itni lambi hoti hai chaandni raat judaai ki neend men koi apne-aap se baatein karta rehta hai kaal-kue men goonjti hai awaaz kisi saudaai ki seene men dil ki aahat jaise koi jaasoos chale har saa.e ka peecha karna aadat hai harjaai ki aankhoñ aur kaanon men kuchh sannaate se bhar jaate hain kya tum ne udti dekhi hai ret kabhi tanhaaii ki taaron ki raushan faslen aur chaand ki ek daraanti thii sahoo ne girvi rakh li thii meri raat kataai ki

aankhoñ men jal raha hai pa bujhta nahin dhuaan uthata to hai ghatta sa barsta nahin dhuaan paaalkon ke dhaapane se bhi rukta nahin dhuaan kitnii undelin aañkhen pa bujhta nahin dhuaan aankhoñ se aañsuon ke maraasim paurane hain mehmaan ye ghar men aayen to chubhta nahin dhuaan choolhe nahin jalaae ki bastii hi jal gaii kuchh roz ho ga.e hain ab uthata nahin dhuaan kaali lakeeren kheench raha hai fazaaon men baura gaya hai munh se kyun khulta nahin dhuaan aankhoñ ke paochne se laga aag ka paata yuñ chehra fer lene se chhupata nahin dhuaan chingaari ik atak si gaii mere seene men thoda sa aa ke pahoonk do udta nahin dhuaan

ek parwaaz dikhaai dii hai teri awaaz sunaai dii hai sirf ik safha palat kar us ne saari baaton ki safaai dii hai phir wahin laut ke jaana hogaa yaar ne kaisi rihaai dii hai jis ki aankhoñ men kati theen sadiyaanus ne sadiyon ki judaai dii hai zindagi par bhi koi zor nahin dil ne har cheez paraai dii hai aag men kya kya jala hai shab bhar kitnii khush-rang dikhaai dii hai