chala hai silsila kaisa ye raaton ko manaane ka tumhein haq de diya kisne diyon ke dil dukhaane ka iraada chhodiye apni hadon se door jaane ka zamaana hai zamaane ki nigaahon men na aane ka kahaan ki dosti kin doston ki baat karte ho miyaan dushman nahin milta koi ab to thikaane ka nigaahon men koi bhi doosra chehra nahin aaya bharosa hi kuchh aisa tha tumhaare laut aane ka ye main hi tha bacha ke KHud ko le aaya kinaare tak samandar ne bahut mauqa' diya tha doob jaane ka

koi haseen to koi dardnaak samjhega meraa mijaaz vahii theek thaak samjhega main jis ke saath kaii raaton se hoon us ka naam bataa to doonga magar tu mazaak samjhega vo jis hisaab se gaata hai us se lagta hai ki mere dukh ko to bas bee praak samjhega

aaiine aankh men chubhte the bistar se badan katraata tha ek yaad basar karti thii mujhe main saans nahin le paata tha ek shakhs ke haath men tha sab kuchh meraa khilna bhi murjhaana bhi rota tha to raat ujad jaati hansata tha to din ban jaata tha main rab se raabte men rehta mumkin hai ki us se raabta ho mujhe haath uthaana padte the tab jaakar vo phone uthaata tha mujhe aaj bhi yaad hai bachpan men kabhi us par nazar agar padti mere baste se phool barsate the meri takhti pe dil ban jaata tha ham ek zindaan men jinda the ham ek janjeer men badhe hue ek doosre ko dekh kar ham kabhi hansate the to rona aata tha vo jism nazarandaaz nahin ho paata tha in aankhoñ se mujrim thehrata tha apna kehne ko to ghar thehrata tha

suna hai log use aankh bhar ke dekhte hain so us ke shahar men kuchh din thehar ke dekhte hain suna hai rabt hai us ko kharaab-haalon se so apne aap ko barbaad kar ke dekhte hain suna hai dard ki gaahak hai chashm-e-naaz us ki so ham bhi us ki gali se guzar ke dekhte hain suna hai us ko bhi hai she'r o shaayri se shagaf so ham bhi mo'jize apne hunar ke dekhte hain suna hai bole to baaton se phool jhadte hain ye baat hai to chalo baat kar ke dekhte hain suna hai raat use chaand takta rehta hai sitaare baam-e-falak se utar ke dekhte hain suna hai din ko use titliyan sataati hain suna hai raat ko jugnoo thehar ke dekhte hain suna hai hashr hain us ki ghazaal si aañkhen suna hai us ko hiran dasht bhar ke dekhte hain suna hai raat se badh kar hain kaakulen us ki suna hai shaam ko saa.e guzar ke dekhte hain suna hai us ki siyah-chashmagi qayamat hai so us ko surma-farosh aah bhar ke dekhte hain suna hai us ke labon se gulaab jalte hain so ham bahaar pe ilzaam dhar ke dekhte hain suna hai aaina timsaal hai jabeen us ki jo saada dil hain use ban-sanwar ke dekhte hain suna hai jab se hamaail hain us ki gardan men mizaaj aur hi laal o guhar ke dekhte hain suna hai chashm-e-tasavvur se dasht-e-imkaan men palang zaaviye us ki kamar ke dekhte hain suna hai us ke badan ki taraash aisi hai ki phool apni qabaayein katar ke dekhte hain vo sarv-qad hai magar be-gul-e-muraad nahin ki us shajar pe shagoofe samar ke dekhte hain bas ik nigaah se lutta hai qaafila dil ka so rah-ravaan-e-tamanna bhi dar ke dekhte hain suna hai us ke shabistaan se muttasil hai behisht makeen udhar ke bhi jalwe idhar ke dekhte hain ruke to gardishein us ka tawaaf karti hain chale to us ko zamaane thehar ke dekhte hain kise naseeb ki be-pairhan use dekhe kabhi kabhi dar o deewaar ghar ke dekhte hain kahaaniyaan hi sahi sab mubaalga hi sahi agar vo KHvaab hai taabeer kar ke dekhte hain ab us ke shahar men thehre ki kooch kar jaayen faraaz aao sitaare safar ke dekhte hain

tareekiyo ko aag lage aur diya jale ye raat bein karti rahe aur diya jale us ki zabaan men itnaa asar hai ki nisf shab vo raushni ki baat kare aur diya jale tum chahte ho tum se bichhad ke bhi KHush rahoon ya'ni hawa bhi chalti rahe aur diya jale kya mujh se bhi aziz hai tum ko diye ki lau phir to meraa mazaar bane aur diya jale suraj to meri aankh se aage ki cheez hai main chahta hooñ shaam dhale aur diya jale tum lautne men der na karna ki ye na ho dil teergii men gher chuke aur diya jale

aisa KHaamosh to manzar na fana ka hota mirii tasveer bhi girti to chhanaaka hota yuñ bhi ik baar to hota ki samundar bahta koi ehsaas to dariyaa ki ana ka hota saans mausam ki bhi kuchh der ko chalne lagti koi jhonka tiri palkon ki hawa ka hota kaanch ke paar tire haath nazar aate hain kaash KHushboo ki tarah rang hina ka hota kyun mirii shakl pahan leta hai chhupne ke li.e ek chehra koi apna bhi KHuda ka hota

aankhoñ men jal raha hai pa bujhta nahin dhuaan uthata to hai ghatta sa barsta nahin dhuaan paaalkon ke dhaapane se bhi rukta nahin dhuaan kitnii undelin aañkhen pa bujhta nahin dhuaan aankhoñ se aañsuon ke maraasim paurane hain mehmaan ye ghar men aayen to chubhta nahin dhuaan choolhe nahin jalaae ki bastii hi jal gaii kuchh roz ho ga.e hain ab uthata nahin dhuaan kaali lakeeren kheench raha hai fazaaon men baura gaya hai munh se kyun khulta nahin dhuaan aankhoñ ke paochne se laga aag ka paata yuñ chehra fer lene se chhupata nahin dhuaan chingaari ik atak si gaii mere seene men thoda sa aa ke pahoonk do udta nahin dhuaan

zikr aa.e to mire lab se duaaein niklen shama' jaltee hai to laazim hai shuaaein niklen vaqt ki zarb se kat jaate hain sab ke seene chaand ka chhalaka utar jaa.e to qaashein niklen dafn ho jaayen ki zarkhez zameen lagti hai kal isee miTTi se shaayad mirii shaakhen niklen chand ummeedein nichodhi theen to aahen tapkiin dil ko pighlaayein to ho saka hai saansen niklen ghaar ke munh pe rakha rahne do sang-e-khursheed ghaar men haath na daalo kahii raatein niklen

har ek gham nichod ke har ik baras ji.e do din ki zindagi men hazaaron baras ji.e sadiyon pe ikhtiyaar nahin tha hamaara dost do chaar lamhe bas men the do chaar bas ji.e sehra ke us taraf se ga.e saare kaarwaan sun sun ke ham to sirf sada-e-jars ji.e honton men le ke raat ke aanchal ka ik sira aankhoñ pe rakh ke chaand ke honton ka mas ji.e mahdood hain duaaein mire ikhtiyaar men har saans pur-sukoon ho tu sau baras ji.e

ek parwaaz dikhaai dii hai teri awaaz sunaai dii hai sirf ik safha palat kar us ne saari baaton ki safaai dii hai phir wahin laut ke jaana hogaa yaar ne kaisi rihaai dii hai jis ki aankhoñ men kati theen sadiyaanus ne sadiyon ki judaai dii hai zindagi par bhi koi zor nahin dil ne har cheez paraai dii hai aag men kya kya jala hai shab bhar kitnii khush-rang dikhaai dii hai