paagal kaise ho jaate hain dekho aise ho jaate hain KHvaabon ka dhanda karti ho kitne paise ho jaate hain duniya sa hona mushkil hai tere jaise ho jaate hain mere kaam KHuda karta hai tere vaise ho jaate hain

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

ik pal men ik sadi ka mazaa ham se poochiye do din ki zindagi ka mazaa ham se poochiye bhule hain rafta rafta unhen muddaton men ham qiston men khudkushi ka mazaa ham se poochiye aagaz-e-aashiqi ka mazaa aap jaaniye anjaam-e-aashiqi ka mazaa ham se poochiye jalte diyon men jalte gharo jaisi zau kahaan sarkaar raushni ka mazaa ham se poochiye vo jaan hi ga.e ki ha men unse pyaar hai aankhoñ ki mukhbirii ka mazaa hamse poochiye hansne ka shauq hamko bhi tha aap ki tarah hansiye magar hañsi ka mazaa ham se poochiye ham tauba kar ke mar ga.e be-maut ai khumaar tauheen-e-may-kashi ka mazaa ham se poochiye

safar men dhoop to hogii jo chal sako to chalo sabhi hain bheed men tum bhi nikal sako to chalo kisi ke vaaste raahen kahaan badalti hain tum apne aap ko KHud hi badal sako to chalo yahaañ kisi ko koi raasta nahin deta mujhe giraa ke agar tum sambhal sako to chalo kahii nahin koi suraj dhuaan dhuaan hai fazaa KHud apne aap se baahar nikal sako to chalo yahii hai zindagi kuchh KHvaab chand ummeedein inheen khilauno se tum bhi bahl sako to chalo

aish maazi ke gina haal ka ta'na de de ghar palatne ke li.e koi bahaana de de main ne is shahar ko ik shaKHs ka hamnaam kiya chahe ab jo bhi ise naam zamaana de de sang-zaadon ko bhi ta'aamir men shaamil kar lo is se pahle ki koi aaina-khaana de de us ka roomaal bhi majboori tha hamdar dii nahinus ko ye dar tha koi aur na shaana de de dil ke ujde hue jungle ko pada rahne do ain mumkin hai parindon ko thikaana de de

samay se pahle bhale shaame-zindagi aa.e kisi tarah bhi udaasi ka ghaav bhar jaa.e jo she'r samjhe mujhe daad vaad deta rahe gale lag aa.e jise gham samajh men aa jaa.e ham udaas nahin sar b sar udaasi hain ha men chiraag nahin raushni kaha jaa.e kisi ke hansne se raushan hui thii baade-saba koi udaas hua to gulaab murjh aa.e

is se pahle ki koii aur hata de mujh ko apne pahluu se kahiin door bitha de mujh ko main sukhan-fahm kisi vasl ka muhtaaj nahin chaandni raat hai ik she'r suna de mujh ko KHud-kushi karne ke mausam nahin aate har roz zindagi ab koii rastaa na dikha de mujh ko ek ye zaKHm hi kaafi hai mire jeene ko chaaragar theek na hone kii davaa de mujh ko yuñ to suraj hooñ magar fikr lagii rahtii hai vo charaaghon ke bharam men na bujha de mujh ko tujh ko ma'aloom nahin ishq kise kahte hain apne seene pe nahin dil men jagah de mujh ko har naye shaKHs pe khul jaane kii aadat mohan dene waale se kaho thodii ana de mujh ko

rawaangi men samay ka khayal karte hain phir us ko bhej ke paharon malaal karte hain zaraa se talkh-bayaani pasand hain phir bhi udaas log mohabbat kamaal karte hain ab un ko ishq ke aadaab kaun samjhaaye bujhe charaaghh hawa se sawaal karte hain gunah hai ishq pe paabandiyaan baja lekin tumhaare log to jeena muhaal karte hain is ek jumle ne karne nahin diya kuchh bhi jo log kuchh nahin karte kamaal karte hain

aaghaaz se anjaam-e-safar dekh raha hooñ dekha nahin jaata hai magar dekh raha hooñ tairaak lagaataar yahaañ doob rahe hain chup-chaap main dariyaa ka hunar dekh raha hooñ is KHvaab ki ta'beer koi mujh ko bataa de manzil se bhi aage ka safar dekh raha hooñ us shaKHs ke honton pe mira zikr bahut hai main apni duaon ka asar dekh raha hooñ jo tujh ko bahut door kabhi le gaii mujh se main kab se vahii raahguzar dekh raha hooñ ik umr se qaaim hai ye raaton ki hukoomat ik umr se main khwaab-e-seher dekh raha hooñ