usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge

yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle

kyun darein zindagi men kya hogaa kuchh na hogaa to tajurba hogaa hansati aankhoñ men jhaank kar dekho koi aañsu kahii chhupa hogaa in dinon na-umeed sa hooñ main shaayad usne bhi ye suna hogaa dekhkar tumko sochta hooñ main kya kisi ne tumhein chhua hogaa

mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

is se pahle ki koii aur hata de mujh ko apne pahluu se kahiin door bitha de mujh ko main sukhan-fahm kisi vasl ka muhtaaj nahin chaandni raat hai ik she'r suna de mujh ko KHud-kushi karne ke mausam nahin aate har roz zindagi ab koii rastaa na dikha de mujh ko ek ye zaKHm hi kaafi hai mire jeene ko chaaragar theek na hone kii davaa de mujh ko yuñ to suraj hooñ magar fikr lagii rahtii hai vo charaaghon ke bharam men na bujha de mujh ko tujh ko ma'aloom nahin ishq kise kahte hain apne seene pe nahin dil men jagah de mujh ko har naye shaKHs pe khul jaane kii aadat mohan dene waale se kaho thodii ana de mujh ko

dayaar-e-gham se ham baahar nikal ke she'r kahte hain masaail hain bahut se un men dhal ke she'r kahte hain dahakte aag ke sholoon pe chal ke she'r kahte hain ha men pahchaan lijye ham ghazal ke she'r kahte hain rivaayat ke pu jaarii is li.e naaraz hain ham se KHataa ye hai naye raston pe chal ke she'r kahte hain ha men tanhaaiyon ka shor jab bechain karta hai ikatthi karte hain yaaden ghazal ke she'r kahte hain sitaaron ki tarah raushan hain jin ke lafz zehnon men vo shaayad mom ki soorat pighal ke she'r kahte hain hamaari shaay'ri us ko kahii rusva na kar dale so us ke shahar men thoda sambhal ke she'r kahte

aish maazi ke gina haal ka ta'na de de ghar palatne ke li.e koi bahaana de de main ne is shahar ko ik shaKHs ka hamnaam kiya chahe ab jo bhi ise naam zamaana de de sang-zaadon ko bhi ta'aamir men shaamil kar lo is se pahle ki koi aaina-khaana de de us ka roomaal bhi majboori tha hamdar dii nahinus ko ye dar tha koi aur na shaana de de dil ke ujde hue jungle ko pada rahne do ain mumkin hai parindon ko thikaana de de

rawaangi men samay ka khayal karte hain phir us ko bhej ke paharon malaal karte hain zaraa se talkh-bayaani pasand hain phir bhi udaas log mohabbat kamaal karte hain ab un ko ishq ke aadaab kaun samjhaaye bujhe charaaghh hawa se sawaal karte hain gunah hai ishq pe paabandiyaan baja lekin tumhaare log to jeena muhaal karte hain is ek jumle ne karne nahin diya kuchh bhi jo log kuchh nahin karte kamaal karte hain

aaghaaz se anjaam-e-safar dekh raha hooñ dekha nahin jaata hai magar dekh raha hooñ tairaak lagaataar yahaañ doob rahe hain chup-chaap main dariyaa ka hunar dekh raha hooñ is KHvaab ki ta'beer koi mujh ko bataa de manzil se bhi aage ka safar dekh raha hooñ us shaKHs ke honton pe mira zikr bahut hai main apni duaon ka asar dekh raha hooñ jo tujh ko bahut door kabhi le gaii mujh se main kab se vahii raahguzar dekh raha hooñ ik umr se qaaim hai ye raaton ki hukoomat ik umr se main khwaab-e-seher dekh raha hooñ