chaarpaai pe aa utaari hai zindagi jinda laash bhari hai aap dukh de rahe hai ro raha hun aur ye filhaal jaarii hai rona likha gaya rote hai zimmedaari to zimmedaari hai meri marji jahaan bhi sarf karu zindagi meri hai tumhaari hai dushmani ke hazaaro darje hai aakhiri darja rishtaadaari hai

us ke pahluu se lag ke chalte hain ham kahii taalne se talte hain band hai may-kadon ke darwaaze ham to bas yoonhi chal nikalte hain main usii tarah to bahalta hooñ aur sab jis tarah bahalte hain vo hai jaan ab har ek mehfil ki ham bhi ab ghar se kam nikalte hain kya takalluf karen ye kehne men jo bhi KHush hai ham us se jalte hain hai use door ka safar dar-pesh ham sambhaale nahin sambhalte hain shaam furqat ki lahlaha uthi vo hawa hai ki zakham bharte hain hai ajab faisley ka sehra bhi chal na padiye to paanv jalte hain ho raha hooñ main kis tarah barbaad dekhne waale haath malte hain tum bano rang tum bano KHushboo ham to apne sukhun men dhalti hain

theek hai KHud ko ham badalte hain shukriya mashwarat ka chalte hain ho raha hooñ main kis tarah barbaad dekhne waale haath malte hain hai vo jaan ab har ek mehfil ki ham bhi ab ghar se kam nikalte hain kya takalluf karen ye kehne men jo bhi KHush hai ham us se jalte hain hai use door ka safar dar-pesh ham sambhaale nahin sambhalte hain tum bano rang tum bano khushboo ham to apne sukhun men dhalti hain main usii tarah to bahalta hooñ aur sab jis tarah bahalte hain hai ajab faisley ka sehra bhi chal na padiye to paanv jalte hain

agar ye kah do baghair mere nahin guzaara to main tumhaara ya us pe mabni koi ta'assur koi ishaara to main tumhaara ghuroor-parwar ana ka maalik kuchh is tarah ke hain naam mere magar qasam se jo tum ne ik naam bhi pukaara to main tumhaara tum apni sharton pe khel khelo main jaise chahe lagaaun baazi agar main jeeta to tum ho mere agar main haara to main tumhaara tumhaara 'aashiq tumhaara mukhlis tumhaara saa thii tumhaara apna raha na in men se koi duniya men jab tumhaara to main tumhaara tumhaara hone ke faisley ko main apni qismat pe chhodta hooñ agar muqaddar ka koi toota kabhi sitaara to main tumhaara ye kis pe ta'aweez kar rahe ho ye kis ko paane ke hain wazeefe tamaam chhodo bas ek kar lo jo istikhara to main tumhaara

apne bacchon se bahut dartaa hooñ main bilkul apne baap ke jaisa hooñ main jinko aasaani se mil jaata hooñ main vo samjhte hai bahut sasta hooñ main ja nadi se poonch sharaabi meri kis ghade ne kah diya pyaasa hooñ main meri khwaahish hai ki darwaaza khule varna khidki se bhi aa saka hooñ main doosre bas tod sakte hai mujhe sirf apni chaabi se khulta hooñ main

shajar hain ab samar-aasaar mere chale aate hain daavedaar mere muhaajir hain na ab ansaar mere mukhalif hain bahut is baar mere yahaañ ik boond ka muhtaaj hooñ main samundar hain samundar paar mere abhii murdon men roohen phoonk daalen agar chahein to ye beemaar mere hawaaein odh kar soya tha dushman ga.e bekar saare vaar mere main aa kar dushmanon men bas gaya hooñ yahaañ hamdard hain do-chaar mere hañsi men taal dena tha mujhe bhi KHataa kyun ho ga.e sarkaar mere tasavvur men na jaane kaun aaya mahak utthe dar-o-deewar mere tumhaara naam duniya jaanti hai bahut rusva hain ab ashaar mere bhanwar men ruk gaii hai naav meri kinaare rah ga.e is paar mere main KHud apni hifazat kar raha hooñ abhii soye hain pahre-daar mere

mere ashkon ne kaii aankhoñ men jal-thal kar diya ek paagal ne bahut logon ko paagal kar diya apni palkon par saja kar mere aañsu aap ne raaste ki dhool ko aankhoñ ka kaajal kar diya main ne dil de kar use ki thii vafaa ki ibtidaus ne dhoka de ke ye qissa mukammal kar diya ye hawaaein kab nigaahen fer len kis ko khabar shohraton ka takht jab toota to paidal kar diya devataaon aur khudaaon ki lagaaee aag ne dekhte hi dekhte bastii ko jungle kar diya zakham ki soorat nazar aate hain chehron ke nuqoosh ham ne aainon ko tahzeebon ka maqtal kar diya shahar men charcha hai aaKHir aisi ladki kaun hai jis ne achhe-khaase ik sha'ir ko paagal kar diya

purane daanv par har din naye aañsu lagata hai vo ab bhi ik fate roomaal par khushboo lagata hai use kah do ki ye unchaaiyaan mushkil se milti hain vo suraj ke safar men mom ke baazu lagata hai main kaali raat ke tezaab se suraj banata hooñ mirii chadar men ye paivand ik jugnoo lagata hai yahaañ lachhman ki rekha hai na seeta hai magar phir bhi bahut phere hamaare ghar ke ik sadhu lagata hai namaazen mustaqil pahchaan ban jaati hai chehron ki tilak jis tarah maathe par koi hindu lagata hai na jaane ye anokha farq is men kis tarah aaya vo ab collar men phoolon ki jagah bichhoo lagata hai andhere aur ujaale men ye samjhauta zaroori hai nishaane ham lagaate hain thikaane tu lagata hai

sawaal ghar nahin buniyaad par uthaya hai hamaare paanv ki miTTi ne sar uthaya hai hamesha sar pe rahi ik chataan rishton ki ye bojh vo hai jise umr-bhar uthaya hai mirii ghulail ke patthar ka kaar-naama tha magar ye kaun hai jis ne samar uthaya hai yahii zameen men dabaayega ek din ham ko ye aasmaan jise dosh par uthaya hai bulandiyon ko pata chal gaya ki phir main ne hawa ka toota hua ek par uthaya hai maha-bali se baghaavat bahut zaroori hai qadam ye ham ne samajh soch kar uthaya hai

yuñ sadaa dete hue tere khayal aate hain jaise ka'be ki khulii chat pe bilaal aate hain roz ham ashkon se dho aate hain deewar-e-haram pagadiyaan roz farishton ki uchaal aate hain haath abhii peeche bandhe rahte hain chup rahte hain dekhna ye hai tujhe kitne kamaal aate hain chaand suraj mirii chaukhat pe kaii sadiyon se roz likkhe hue chehre pe sawaal aate hain be-hisi murda-dili raqs sharaaben nag men bas isee raah se qaumon pe zawaal aate hain