ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

baat karne hai baat kaun kare dard se do do haath kaun kare ham sitaare tumhein bulaate hain chaand na ho to raat kaun kare ab tujhe rab kahein ya but samjhen ishq men zaat-paat kaun kare zindagi bhar ki the kamaai tum is se zyaada zakaat kaun kare

paagal kaise ho jaate hain dekho aise ho jaate hain KHvaabon ka dhanda karti ho kitne paise ho jaate hain duniya sa hona mushkil hai tere jaise ho jaate hain mere kaam KHuda karta hai tere vaise ho jaate hain

zabaan to khol nazar to mila javaab to de main kitnii baar luta hooñ mujhe hisaab to de tere badan ki likhaavat men hai utaar chadhaav main tujhe kaise padhoonga mujhe kitaab to de teraa sawaal hai saaqi ki zindagi kya hai javaab deta hooñ pahle mujhe sharaab to de

ik pal men ik sadi ka mazaa ham se poochiye do din ki zindagi ka mazaa ham se poochiye bhule hain rafta rafta unhen muddaton men ham qiston men khudkushi ka mazaa ham se poochiye aagaz-e-aashiqi ka mazaa aap jaaniye anjaam-e-aashiqi ka mazaa ham se poochiye jalte diyon men jalte gharo jaisi zau kahaan sarkaar raushni ka mazaa ham se poochiye vo jaan hi ga.e ki ha men unse pyaar hai aankhoñ ki mukhbirii ka mazaa hamse poochiye hansne ka shauq hamko bhi tha aap ki tarah hansiye magar hañsi ka mazaa ham se poochiye ham tauba kar ke mar ga.e be-maut ai khumaar tauheen-e-may-kashi ka mazaa ham se poochiye

meri pahchaan hai kya meraa pata de mujh ko koi aaina agar hai to dikha de mujh ko tujh se milta hooñ to akshar ye khayal aata hai is bulan dii se agar koi giraa de mujh ko kab se patthar ki chattaanon men hooñ gumnaam o aseer devataaon ki tarah koi jaga de mujh ko ek aaina sar-e-raah li.e baitha hooñ jurm aisa hai ki har shaKHs saza de mujh ko in andheron men akela hi jaluñga kab tak koi shay tu bhi to khursheed-numa de mujh ko

paai har ek raah-guzar par udaasiyaan nikli hui hain kab se safar par udaasiyaan khwaabida shahar jaagne vaala hai laut aao bai thii hui hain shaam se ghar par udaasiyaan main khauf se larzata raha padh nahin sakaa phaili hui theen ek khabar par udaasiyaan suraj ke haath sabz qabaon tak aa ga.e ab hain yahaañ har ek shajar par udaasiyaan apne bhi khatt-o-khaal nigaahon men ab nahin is tarah chha gaii hain nazar par udaasiyaan faila raha hai kaun kabhi sochta hooñ main KHvaabon ke ek ek nagar par udaasiyaan sab log ban ga.e hain agar ajnabi to kya chhod aayengi mujhe mire dar par udaasiyaan

khauf ban kar ye khayal aata hai akshar mujh ko dasht kar jaayega ik roz samundar mujh ko main saraapa hooñ khabar-naama-e-imroz-e-jahaan kal bhula de na ye duniya kahii padh kar mujh ko har nafs mujh men taghayyur ki hawaaye larzaan murtasim kar na sakaa koi bhi manzar mujh ko apne saahil pe main KHud tishna-dahan baitha hooñ dekh dariyaa ki taraai se nikal kar mujh ko mire saa.e men bhi mujh ko nahin rahne dega mire hi ghar men rakhega koi be-ghar mujh ko kaargar koi bhi tadbeer na hone dega kya muqaddar hai ki le jaayega dar-dar mujh ko kaam aayegi na bedaar-nigaahi bhi ameer KHvaab kah jaayega ik din mira paikar mujh ko

daaman pe lahu haath men khanjar na milega mil jaayega phir bhi vo sitamgar na milega patthar li.e haathon men jise dhundh raha hai vo tujh ko tiri zaat se baahar na milega aankhoñ men basa lo ye ubharta hua suraj din dhalne lagega to ye manzar na milega main apne hi ghar men hooñ magar soch raha hooñ kya mujh ko mire ghar men mira ghar na milega guzaro kisi bastii se zaraa bhes badal kar naqshe men tumhein shehr-e-sitmgar na milega

aaj ki raat bhi guzri hai mirii kal ki tarah haath aa.e na sitaare tire aanchal ki tarah haadsa koi to guzra hai yaqeenan yaaro ek sannaata hai mujh men kisi maqtal ki tarah phir na niklaa koi ghar se ki hawa phirti thii sang haathon men uth aa.e kisi paagal ki tarah tu ki dariyaa hai magar mirii tarah pyaasa hai main tere paas chala aaunga baadal ki tarah raat jaltee hui ik aisi chitaa hai jis par teri yaaden hain sulagte hue sandal ki tarah main hooñ ik KHvaab magar jaagti aankhoñ ka ameer aaj bhi log ganwa den na mujhe kal ki tarah