vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

chaand sitaare phool parinde shaam savera ek taraf saari duniya uskaa charba uskaa chehra ek taraf vo ladhkar bhi so jaa.e to uskaa maatha choomun main usse muhabbat ek taraf hai usse jhagda ek taraf jis shay par vo ungli rakh de us..ko vo dilwaani hai uski khushiyaan sab se awwal sasta mehnga ek taraf zaKHmon par marham lagwao lekin uske haathon se chaarasaazi ek taraf hai uskaa choona ek taraf saari duniya jo bhi bole sab kuchh shor sharaaba hai sab ka kehna ek taraf hai uskaa kehna ek taraf usne saari duniya maangi maine us..ko maanga hai uske sapne ek taraf hai meraa sapna ek taraf

mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

la pila saaqi sharaab-e-arghwaani phir kahaan zindagaani phir kahaan naadaan jawaani phir kahaan do ghadi mil baithne ko bhi ghaneemat jaaniye umr faani hi sahi ye umr-e-faani phir kahaan aa ki ham bhi ik taraana jhoom kar gaate chalen is chaman ke taaeron ki hum-zabaani phir kahaan hai zamaana ishq-e-salma men ganwa de zindagi ye zamaana phir kahaan ye zindagaani phir kahaan ek hi bastii men hain aasaan hai milnaa aa milo kya khabar le jaa.e daur-e-aasmaani phir kahaan fasl-e-gul jaane ko hai daur-e-khizaan aane ko hai ye chaman ye bulbulein ye naghma-khwaani phir kahaan phool chun jee khol kar aish-o-tarab ke phool chun mausam-e-gul phir kahaan fasl-e-jawaani phir kahaan aakhiri raat aa gaii jee bhar ke mil len aaj to tum se milne dega daur-e-aasmaani phir kahaan aaj aa.e ho to sunte jaao ye taaza ghazal warna akhtar phir kahaan ye sher-khwaani phir kahaan

kaam aa sakeen na apni vafaaayen to kya kareinus bevafaa ko bhool na jaayen to kya karen mujh ko ye e'tiraaf duaon men hai asar jaayen na arsh par jo duaein to kya karen ik din ki baat ho to use bhool jaayen ham naazil hon dil pe roz balaen to kya karen zulmat-b-dosh hai mirii duniya-e-aashiqi taaron ki mish'ale na churaayen to kya karen shab bhar to un ki yaad men taare gina ki.e taare se din ko bhi nazar aayen to kya karen ahad-e-tarab ki yaad men roya ki.e bahut ab muskuraa ke bhool na jaayen to kya karen ab jee men hai ki un ko bhula kar hi dekh len vo baar baar yaad jo aayen to kya karen wa'de ke e'tibaar men taskin-e-dil to hai ab phir vahii fareb na khaayen to kya karen tark-e-wafa bhi jurm-e-mohabbat sahi magar milne lagen vafaa ki sazaayen to kya karen

vo kahte hain ranjish ki baatein bhula den mohabbat karen KHush rahen muskuraa den ghuroor aur hamaara ghuroor-e-mohabbat mah o mehr ko un ke dar par jhuka den jawaani ho gar jaavedaani to ya rab tiri saada duniya ko jannat banaa den shab-e-wasl ki be-khu dii chha rahi hai kaho to sitaaron ki shamaein bujha den bahaarein simat aayen khil jaayen kaliyaan jo ham tum chaman men kabhi muskuraa den ibadat hai ik be-khu dii se ibaarat haram ko may-e-mushk-boo se basa den vo aayenge aaj ai bahaar-e-mohabbat sitaaron ke bistar pe kaliyaan bichha den banata hai munh talkhi-e-may se zaahid tujhe baagh-e-rizwaan se kausar manga den jinhen umr bhar yaad aanaa sikhaaya vo dil se tiri yaad kyunkar bhula den tum afsaana-e-qais kya poochte ho idhar aao ham tum ko leila banaa den ye be-dardiyaan kab tak ai dard-e-ghurbat buton ko phir arz-e-haram men basa den vo sarmastiyaan bakhsh ai rashk-e-sheereen ki khusro ko khwaab-e-adam se jaga den tire vasl ki be-khu dii kah rahi hai KHudaai to kya ham KHuda ko bhula den unhen apni soorat pe yuñ naaz kab tha mire ishq-e-ruswa ko akhtar dua den

na chhed zaahid-e-naadaan sharaab peene de sharaab peene de khaana-kharaab peene de abhii se apni naseehat ka zahar de na mujhe abhii to peene de aur be-hisaab peene de main jaanta hooñ chhalakta hua gunaah hai ye tu is gunaah ko be-ehtisaab peene de phir aisa vaqt kahaan ham kahaan sharaab kahaan tilism-e-dahr hai naqsh-e-bar-aab peene de mire dimaagh ki duniya ka aftaab hai ye mila ke barf men ye aftaab peene de kisi haseena ke boson ke qaabil ab na rahe to in labon se hamesha sharaab peene de samajh ke us ko ghafoor-ur-raheem peeta hoonna chhed zikr-e-azaab-o-sawaab peene de jo rooh ho chuki ik baar daagh-daar mirii to aur hone de lekin sharaab peene de sharaab-khaane men ye shor kyun machaaya hai KHamosh akhtar-e-khaana-kharaab peene de

na tumhaara husn jawaan raha na hamaara ishq jawaan rahana vo tum rahe na vo ham rahe jo raha to gham ka samaan raha na vo baagh hain na ghataaein hain na vo phool hain na fazaayein hainna vo nikhaten na hawaaein hain na vo be-khu dii ka samaan raha na vo dil hai ab na javaaniyaan na vo aashiqi ki kahaaniyaanna vo gham na ashk-fishaaniyaan na vo dard-e-dil ka nishaan raha na chaman hai vo na bahaar hai na vo bulbulein na hazaar hai yahii chaar-samt pukaar hai na vo rut hai ab na samaan raha na vo umr hai na masarratein na vo aish hai na vo ishrateinna vo aarzooen na hasratein na khushi ka naam-o-nishaan raha na nishaan hai saaqi-o-jaam ka na vo baada-ha-e-chaman-adana mughanniya rahi mahv-e-saaz na saaz mast-e-fughaan raha ye bahaar-e-gulshan-e-aab-o-gil hai fana asar to hon kyun khajil vo gul-e-fasurda hai meraa dil ki hamesha nazr-e-khizaan raha nahin sabr saaqiya la bhi de qadah-e-bahaar utha bhi de abhii sin hai la ke pila bhi de ki hamesha kaun jawaan raha kahooñ kya ki ranj-reseeda hooñ main b-rang-e-abr rameeda hooñ nafs-e-shameem-e-pareeda hooñ ki raha tabaah jahaan raha asar-e-bahaar-e-khizaan asar hai ki hai fasurda mirii nazarna hawaa-e-ishrat-e-baal-o-par na junoon-e-baagh-e-jinaan raha main gul-e-rameeda-e-rang-o-boo tu bahaar-e-may-kada-e-numoo main hamesha khasta-e-aarzoo tu hamesha aish-e-javaan raha na sukoon-e-dil na qaraar-e-jaan na qayaam-e-sabr koi zamaan ye sarishk-e-gham ka hai kaarwaan ki yoonhi hamesha ravaan raha tu mata-e-gul-kad-e-nazar gul-e-nau-bahaar-e-behesht-asar main vo andaleeb-e-shikasta par ki hamesha mahv-e-fighaan raha na vo soz-o-saaz-e-daroo'n hai ab na vo chashm-e-gul-kada-e-goon hai abna vo sar hai ab na junoon hai ab na vo zauq-e-sho'la-chakaan raha hai falak ki badli hui nazar kahii kisi se akhtar-e-naala-gar ki main us ke zor-e-alam-asar se hamesha mahv-e-fighaan raha