ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

khwaab ke hi ham sahaare chal rahe hain zaKHm ko bhi gudgudaate chal rahe hain kya bataayein ab tumhein ham haal apna hijr men kaise deewane chal rahe hain dariyaa ki tanhaaii ka to sochiye saath jiske do kinaare chal rahe hain tumko kya lagta hai tanhaa chal raha hooñ saath mere chaand taare chal rahe hain

vo munh lagata hai jab koi kaam hota hai jo uskaa hota hai samjho ghulaam hota hai kisi ka ho ke dobaara na aanaa meri taraf mohabbaton men halaala haraam hota hai ise bhi ginte hain ham log ahl-e-kh aanaa men hamaare yaa to shajar ka bhi naam hota hai tujh aise shaKHs ke hote hain khaas dost bahut tujh aisa shaKHs bahut jald aam hota hai kabhi lagii hai tumhein koi shaam aakhiri shaam hamaare saath ye har ek shaam hota hai

kitne aish se rahte honge kitne itraate honge jaane kaise log vo honge jo us ko bhaate honge shaam hue khush-baash yahaañ ke mere paas aa jaate hain mere bujhne ka nazzara karne aa jaate honge vo jo na aane vaala hai na us se mujh ko matlab tha aane waalon se kya matlab aate hain aate honge us ki yaad ki baad-e-saba men aur to kya hota hogaa yoonhi mere baal hain bikhre aur bikhar jaate honge yaaro kuchh to zikr karo tum us ki qayamat baanhon ka vo jo simtate honge un men vo to mar jaate honge meraa saans ukhadte hi sab bein karenge roenge ya'ni mere baa'd bhi ya'ni saans li.e jaate honge

ye jo zindagi hai ye kaun hai ye jo bebaasi hai ye kaun hai ye tumhaare lams ko kya hua ye jo be-hisi hai ye kaun hai vo jo mire jaisa tha kaun tha ye jo aap si hai ye kaun hai mire chaar-soo mire chaar-soo ye jo bekli hai ye kaun hai mire ang ang men bas gaii ye jo shaay'ri hai ye kaun hai vo jo teergii thii vo kaun thii ye jo raushni hai ye kaun hai mujhe kya khabar mujhe kya pata ye jo be-khu dii hai ye kaun hai vo jo gham se choor tha kaun tha jo khushi khushi hai ye kaun hai

gar dua bhi koi cheez hai to dua ke hawaale kiya ja tujhe aaj se ham ne apne KHuda ke hawaale kiya ek muddat hui ham ne duniya ki har ek zid chhod dii ek muddat hui ham ne dil ko vafaa ke hawaale kiya is tarah ham ne teri mohabbat zamaane ke haathon men dii jis tarah gul ne khushboo ko baad-e-saba ke hawaale kiya bebaasi si ajab zindagi men ik aisi bhi aayi ki jab ham ne chup-chaap haathon ko rasm-e-hina ke hawaale kiya KHoon ne teri yaaden sulagti hui raat ko saunp deen aañsuon ne tira dard rookhi hawa ke hawaale kiya

dil bhi aawaara nazar aawaara kat gaya saara safar aawaara zindagi bhatka hua jungle hai raah bechain shajar aawaara rooh ki khidki se ham jhaankte hain aur lagta hai nagar aawaara tujh ko ma'aloom kahaan hogaa ki shab kaise karte hain basar aawaara mujh ko ma'aloom hai apne baare hooñ bahut achha magar aawaara ye alag baat ki bas pal-do-pal laut ke aate hain ghar aawaara

kaha main kahaan ho tum javaab aaya jahaan ho tum mire jeevan se zaahir ho mire gham men nihaan ho tum mirii to saari duniya ho mira saara jahaan ho tum mirii sochon ke mehwar ho mira zor-e-bayaan ho tum main to lafz-e-mohabbat hooñ magar mirii zabaan ho tum

tu ne dekha hai kabhi ek nazar shaam ke baa'd kitne chup-chaap se lagte hain shajar shaam ke baa'd itne chup-chaap ki raaste bhi rahenge la-ilm chhod jaayenge kisi roz nagar shaam ke baa'd main ne aise hi gunah teri judaai men ki.e jaise toofaan men koi chhod de ghar shaam ke baa'd shaam se pahle vo mast apni uraano men raha jis ke haathon men the toote hue par shaam ke baa'd raat beetii to gine aable aur phir socha kaun tha ba-is-e-aaghaaz-e-safar shaam ke baa'd tu hai suraj tujhe ma'aloom kahaan raat ka dukh tu kisi roz mere ghar men utar shaam ke baa'd laut aa.e na kisi roz vo aawaara-mizaaj khol rakhte hain isee aas pe dar shaam ke baa'd