tum haqeeqat nahin ho hasrat ho jo mile KHvaab men vo daulat ho tum ho KHushboo ke KHvaab ki KHushboo aur itne hi bemuravvat ho kis tarah chhod doon tumhein jaanaan tum meri zindagi ki aadat ho kislie dekhte ho aaina tum to KHud se bhi khoobsurat ho dastaan khatm hone waali hai tum meri aakhiri muhabbat ho

sirf khanjar hi nahin aankhoñ men paani chahiye ai KHuda dushman bhi mujh ko khaandaani chahiye shahar ki saari alif-lailaaein boodhi ho chuki shahzaade ko koi taaza kahaanii chahiye main ne ai suraj tujhe pooja nahin samjha to hai mere hisse men bhi thodii dhoop aani chahiye meri qeemat kaun de saka hai is bazaar men tum zulekha ho tumhein qeemat lagaani chahiye zindagi hai ik safar aur zindagi ki raah men zindagi bhi aa.e to thokar lagaani chahiye main ne apni khushk aankhoñ se lahu chhalaka diya ik samundar kah raha tha mujh ko paani chahiye

aqal ne achchhe achhon ko behkaaya tha shukr hai ham par kuchh vehshat ka saaya tha tum ne apni gardan unchi hi rakkhi varna main to maala lekar aaya tha main ab tak uske hi rang men rangaa hooñ jisne sabse pahle rang lagaaya tha meri raay sabse pahle li jaaye maine sabse pahle dhokha khaaya tha sabko ilm hai phool aur khushboo dono men sabse pahle kisne haath chhudaaya tha ik ladki ne phir mujh...ko behkaaya hai ik ladki ne achchhe se samjhaaya tha

tu bhi chup hai main bhi chup hoon ye kaisi tanhaaii hai tere saath tiri yaad aayi kya tu sach-much aayi hai shaayad vo din pehla din tha palken bojhal hone ka mujh ko dekhte hi jab us ki angadaai sharmaai hai us din pahli baar hua tha mujh ko rifaqat ka ehsaas jab us ke malboos ki khushboo ghar pahunchaane aayi hai ham ko aur to kuchh nahin soojha albatta us ke dil men soz-e-raqabat paida kar ke us ki neend udaai hai ham dono mil kar bhi dilon ki tanhaaii men bhatkenge paagal kuchh to soch ye tu ne kaisi shakl banaai hai ishq-e-pechaanki sandal par jaane kis din bel chadhe kyaari men paani thehra hai deewaron par kaai hai husn ke jaane kitne chehre husn ke jaane kitne naam ishq ka pesha husn-parasti ishq badaa harjaai hai aaj bahut din baad main apne kamre tak aa niklaa tha joonhi darwaaza khola hai us ki khushboo aayi hao ek to itnaa habs hai phir main saansen roke baitha hoon veeraani ne jhaadoo de ke ghar men dhool udaai hai

titli se dosti na gulaabon ka shauq hai meri tarah use bhi kitaabon ka shauq hai warna to neend se bhi nahin koi khaas rabt aankhoñ ko sirf aap ke KHvaabon ka shauq hai ham aashiq-e-ghazal hain to maghroor kyuuñ na hon aaKHir ye shauq bhi to nawaabon ka shauq hai us shaKHs ke fareb se waqif hain ham magar kuchh apni pyaas ko hi saraabo ka shauq hai girne do KHud sambhalne do aise hi chalne do ye to charaaghh khaana-kharaabon ka shauq hai

mausamon ke taghayyur ko bhaanpa nahin chhatriyaan khol deen zakham bharne se pahle kisi ne mirii pattiyaan khol deen ham machheron se poochho samundar nahin hai ye ifreet hai tum ne kya soch kar sahilon se bandhi kashtiyaañ khol deen us ne va'don ke parbat se latke huoon ko sahaara diyaus ki awaaz par koh-paimaaon ne rassiyaan khol deen dasht-e-ghurbat men main aur mira yaar-e-shab-zaad baaham mile yaar ke paas jo kuchh bhi tha yaar ne gathriyaan khol deen kuchh baras to tiri yaad ki rail dil se guzarti rahi aur phir main ne thak haar ke ek din patriyaan khol deen us ne seharaaon ki sair karte hue ik shajar ke tale apni aankhoñ se aink utaari ki do hiraniyaan khol deen aaj ham kar chuke ahad-e-tark-e-sukhan par raqam dastkhat aaj ham ne naye sha'iron ke li.e bhartiyaan khol deen

sehra se aane waali hawaon men ret hai hijrat karunga gaav se gaav men ret hai ai qais tere dasht ko itni duaaein deen kuchh bhi nahin hai meri duaon men ret hai sehra se ho ke baagh men aa hoon sair ko haathon men phool hain mire paanv men ret hai muddat se meri aankh men ik khwaas hai muqeem paani men ped ped ki chaanv men ret hai mujh sa koi faqeer nahin hai ki jis ke paas kashkol ret ka hai sadaaon men ret hai

ashk ज़ाया' ho rahe the dekh kar rota na tha jis jagah banta tha rona main udhar rota na tha sirf teri chup ne mere gaal geelay kar diye main to vo hooñ jo kisi ki maut par rota na tha mujhpe kitne saanihe guzre par un aankhoñ ko kya meraa dukh ye hain ki meraa hamsafar rota na tha maine uske vasl men bhi hijr kaata hai kahii vo mere kaandhe pe rakh leta tha sar rota na tha pyaar to pahle bhi usse tha magar itnaa nahin tab main us..ko choo to leta tha magar rota na tha giryaa-o-zaari ko bhi ik khaas mausam chahiye meri aañkhen dekh lo main vaqt par rota na tha

ashk zaaeaa ho rahe the dekh kar rota na tha jis jagah banta tha rona main udhar rota na tha sirf teri chup ne mire gaal geelay kar diye main to vo hooñ jo kisi ki maut par rota na tha mujh pe kitne saanhe guzre par in aankhoñ ko kya meraa dukh ye hai ki meraa hum-safar rota na tha main ne us ke vasl men bhi hijr kaata hai kahii vo mire kaandhe pe rakh leta tha sar rota na tha pyaar to pahle bhi us se tha magar itnaa nahin tab main us ko choo to leta tha magar rota na tha giryaa-o-zaari ko bhi ik khaas mausam chahiye meri aañkhen dekh lo main vaqt par rota na tha

kya khabar us raushni men aur kya raushan hua jab vo in haathon se pahli martaba raushan hua vo mere seene se lagkar jis..ko roee kaun tha kiske bujhne pe main aaj uski jagah raushan hua vaise main in raaston aur taakhchon ka tha nahin phir bhi tune jis jagah par rakh diya raushan hua mere jaane par sabhi roye bahut roye magar ik diya meri tavqko se siva raushan hua tere apne teri kirnon ko tarsate hai yahaañ tu ye kin galiyon men kin logon men ja raushan hua maine poocha tha ki mujh jaisa bhi koi aur hai door jungle men kahii ik maqbara raushan hua jaane kaisi aag men vo jal raha hai in dinon usne munh ponchha to meraa toliyaa raushan hua koi uski raushni ke shar se kab mahfooz hai meri aañkhen bujh gaii aur koylaa raushan hua