aankh ko aaina samjhte ho tum bhi sabki tarah samjhte ho dost ab kyuuñ nahin samjhte tum tum to kahte the na samjhte ho apna gham tumko kaise samjhaaoon sabse haara hua samjhte ho meri duniya ujad gayi is men tum ise haadsa samjhte ho aakhiri raasta to baaki hai aakhiri raasta samjhte ho

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga tu to beenaai hai meri tere alaava mujhe kuchh bhi dikhta nahin maine tujhko agar tere ghar pe utaara to main kaise ghar jaaunga chahta hooñ tumhein aur bahut chahta hooñ tumhein KHud bhi maaloom hai haan agar mujhse poocha kisi ne to main seedha munh par mukar jaaunga tere dil se tere shahar se tere ghar se teri aankh se tere dar se teri galiyon se tere watan se nikala hua hooñ kidhar jaaunga

vaise main ne duniya men kya dekha hai tum kahte ho to phir achha dekha hai main us ko apni vehshat tohfe men doon haath uthaaye jis ne sehra dekha hai bin dekhe us ki tasveer banaa loonga aaj to main ne us ko itnaa dekha hai ek nazar men manzar kab khulte hain dost tu ne dekha bhi hai to kya dekha hai ishq men banda mar bhi saka hai main ne dil ki dastaavez men likha dekha hai main to aañkhen dekh ke hi batla dooñga tum men se kis kis ne dariyaa dekha hai aage seedhe haath pe ek taraai hai main ne pahle bhi ye rastaa dekha hai tum ko to is baagh ka naam pata hogaa tum ne to is shahar ka naqsha dekha hai

log sah lete the hañs kar kabhi be-zaari bhi ab to mashkook hui apni milan-saari bhi vaar kuchh khaali ga.e mere to phir aa hi gaii apne dushman ko dua dene ki ahl-e-mohabbat bhi umr bhar kis ne bhala ghaur se dekha tha mujhe vaqt kam ho to saja deti hai beemaarii bhi kis tarah aa.e hain is pahli mulaqaat talak aur mukammal hai juda hone ki tayyaari bhi oob jaata hooñ zehaanat ki numaish se to phir lutf deta hai ye lahjaa mujhe baazaari bhi umr badhti hai magar ham wahin thehre hue hain thokren khaaiin to kuchh aa.e samajhdari bhi ab jo kirdaar mujhe karna hai mushkil hai bahut mast hone ka dikhaava bhi hai sar bhari bhi

guzar raha hai vo lamha to yaad aaya haius ek pal se kabhi kitna khauf khaaya hai usii nigaah ne aankhoñ ko kar diya patthar usii nigaah men sab kuchh nazar bhi aaya hai ye tanj yuñ bhi hai ik imtihaan mere li.e tire labon se koi aur muskuraya hai bahe raqeeb ke aañsu bhi mere gaalon par ye saanehaa bhi mohabbat men pesh aaya hai ye koi aur hai teri taraf sarkata hua andhera hote hi jo mujh men aa samaaya hai hamaare ishq se mar'oub is qadar bhi na ho ye khun to ek adakaar ne bahaaya hai yahaañ to ret hai patthar hain aur kuchh bhi nahin vo kya dikhaane mujhe itni door laaya hai bahut se bojh hain dil par ye koi aisa nahin ye dukh kisi ne hamaare li.e uthaya hai

kam se kam duniya se itnaa miraa rishta ho jaa.e koi miraa bhi bura chaahne vaala ho jaa.e isee majboori men ye bheed ikattha hai yahaañ jo tire saath nahin aa.e vo tanhaa ho jaa.e shukr us ka ada karne ka khayal aa.e kise abr jab itnaa ghana ho ki andhera ho jaa.e haan nahin chahiye us darja mohabbat teri ki miraa sach bhi tire jhooth ka hissa ho jaa.e band aankhoñ ne saraabo se bachaaya hai mujhe aankh vaala ho to is khel men andha ho jaa.e main bhi qatra hooñ tiri baat samajh saka hooñ ye ki mit jaane ke dar se koi dariyaa ho jaa.e bas isee baat pe aainon se bigdi meri chahta tha miraa apna koi chehra ho jaa.e bazm-e-yaaraan men yahii rang to dete hain mazaa koi roye to hañsi se koi dohraa ho jaa.e

intiha tak baat le jaata hooñ main ab use aise hi samjhaata hooñ main kuchh hawa kuchh dil dhadkane ki sadaa shor men kuchh sun nahin paata hooñ main bin kahe aaunga jab bhi aaunga muntazir aankhoñ se ghabraata hooñ main yaad aati hai tiri sanjeedgi aur phir hansta chala jaata hooñ main fasla rakh ke bhi kya haasil hua aaj bhi us ka hi kahlaata hooñ main chhup raha hooñ aaine ki aankh se thoda thoda roz dhundlaataa hooñ main apni saari shaan kho deta hai zakham jab davaa karta nazar aata hooñ main sach to ye hai mustard kar ke use ik tarah se KHud ko jhutlaata hooñ main aaj us par bhi bhatkna pad gaya roz jis raaste se ghar aata hooñ main

siyaane the magar itne nahin ham KHamoshii ki zabaan samjhe nahin ham ana ki baat ab sunna padegi vo kya sochega jo roothe nahin ham adhuri lag rahi hai jeet us ko use haare hue lagte nahin ham ha men to rok lo uthne se pahle palat kar dekhne waale nahin ham bichhadne ka tire sadma to hogaa magar is khauf ko jeete nahin ham tire rahte to kya hote kisi ke tujhe kho kar bhi duniya ke nahin ham ye manzil KHvaab hi rahtii hamesha agar ghar laut kar aate nahin ham k abhii soche to is pahluu se koi kisi ki baat kyun sunte nahin ham abhii tak mashwaron par jee rahe hain kisi soorat bade hote nahin ham