chala hai silsila kaisa ye raaton ko manaane ka tumhein haq de diya kisne diyon ke dil dukhaane ka iraada chhodiye apni hadon se door jaane ka zamaana hai zamaane ki nigaahon men na aane ka kahaan ki dosti kin doston ki baat karte ho miyaan dushman nahin milta koi ab to thikaane ka nigaahon men koi bhi doosra chehra nahin aaya bharosa hi kuchh aisa tha tumhaare laut aane ka ye main hi tha bacha ke KHud ko le aaya kinaare tak samandar ne bahut mauqa' diya tha doob jaane ka

kabhi milenge to ye karz bhi utaarenge tumhaare chehre ko paharon talak nihaarenge ye kya sitam ki khilaadi badal diya usne ham is umeed pe baithe the ham hi haarenge hamaare baad tere ishq men naye ladke badan to choomenge zulfen nahin sanvaarenge

seena dahak raha ho to kya chup rahe koi kyun cheekh cheekh kar na gala chheel le koi saabit hua sukoon-e-dil-o-jaan kahii nahin rishton men dhoondhta hai to dhoonda kare koi tark-e-taalluqaat koi mas'ala nahin ye to vo raasta hai ki bas chal pade koi deewaar jaanta tha jise main vo dhool thii ab mujh ko e'timaad ki daawat na de koi main KHud ye chahta hooñ ki haalaat hooñ KHaraab mere KHilaaf zahar ugalta phire koi ai shaKHs ab to mujh ko s abhii kuchh qubool hai ye bhi qubool hai ki tujhe cheen le koi haan theek hai main apni ana ka mareez hooñ aaKHir mere mizaaj men kyun dakhl de koi ik shaKHs kar raha hai abhii tak vafaa ka zikr kaash us zabaan-daraaz ka munh noch le koi

mujhse mat poochho ki mujh...ko aur kya kya yaad hai vo mere nazdeek aaya tha bas itnaa yaad hai yuñ to dashte-dil men kitnon ne qadam rakhe magar bhool jaane par bhi ek naqsh-e-kaf-e-paa yaad hai us badan ki ghaatiyan tak naqsh hain dil par mere kohsaaron se samandar tak ko dariyaa yaad hai mujhse vo kaafir musalmaan to na ho paaya kabhi lekin us..ko vo tarju men ke saath kalmaa yaad hai

haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

KHvaab vaise to ik inaayat hai aankh khul jaa.e to museebat hai jism aaya kisi ke hisse men dil kisi aur ki amaanat hai jaan dene ka vaqt aa hi gaya is tamaashe ke baa'd furqat hai umr bhar jis ke mashwaron pe chale vo pareshaan hai to hairat hai ab sanwarne ka vaqt us ko nahin jab ha men dekhne ki furqat hai us pe utne hi rang khulte hain jis ki aankhoñ men jitni hairat hai

log sah lete the hañs kar kabhi be-zaari bhi ab to mashkook hui apni milan-saari bhi vaar kuchh khaali ga.e mere to phir aa hi gaii apne dushman ko dua dene ki ahl-e-mohabbat bhi umr bhar kis ne bhala ghaur se dekha tha mujhe vaqt kam ho to saja deti hai beemaarii bhi kis tarah aa.e hain is pahli mulaqaat talak aur mukammal hai juda hone ki tayyaari bhi oob jaata hooñ zehaanat ki numaish se to phir lutf deta hai ye lahjaa mujhe baazaari bhi umr badhti hai magar ham wahin thehre hue hain thokren khaaiin to kuchh aa.e samajhdari bhi ab jo kirdaar mujhe karna hai mushkil hai bahut mast hone ka dikhaava bhi hai sar bhari bhi

intiha tak baat le jaata hooñ main ab use aise hi samjhaata hooñ main kuchh hawa kuchh dil dhadkane ki sadaa shor men kuchh sun nahin paata hooñ main bin kahe aaunga jab bhi aaunga muntazir aankhoñ se ghabraata hooñ main yaad aati hai tiri sanjeedgi aur phir hansta chala jaata hooñ main fasla rakh ke bhi kya haasil hua aaj bhi us ka hi kahlaata hooñ main chhup raha hooñ aaine ki aankh se thoda thoda roz dhundlaataa hooñ main apni saari shaan kho deta hai zakham jab davaa karta nazar aata hooñ main sach to ye hai mustard kar ke use ik tarah se KHud ko jhutlaata hooñ main aaj us par bhi bhatkna pad gaya roz jis raaste se ghar aata hooñ main

kam se kam duniya se itnaa miraa rishta ho jaa.e koi miraa bhi bura chaahne vaala ho jaa.e isee majboori men ye bheed ikattha hai yahaañ jo tire saath nahin aa.e vo tanhaa ho jaa.e shukr us ka ada karne ka khayal aa.e kise abr jab itnaa ghana ho ki andhera ho jaa.e haan nahin chahiye us darja mohabbat teri ki miraa sach bhi tire jhooth ka hissa ho jaa.e band aankhoñ ne saraabo se bachaaya hai mujhe aankh vaala ho to is khel men andha ho jaa.e main bhi qatra hooñ tiri baat samajh saka hooñ ye ki mit jaane ke dar se koi dariyaa ho jaa.e bas isee baat pe aainon se bigdi meri chahta tha miraa apna koi chehra ho jaa.e bazm-e-yaaraan men yahii rang to dete hain mazaa koi roye to hañsi se koi dohraa ho jaa.e

saamne tere hooñ ghabraaya hua be-zabaan hone par sharmaaya hua laakh ab manzar ho dhundlaaya hua yaad hai mujh ko nazar aaya hua ye bhi kehna tha bataa kar raasta main vahii hooñ teraa bhatkaaya hua main ki ik aaseb ik be-chain rooh be-wuzoo haathon ka dafnaaya hua aa gaya phir mashwara dene mujhe khema-e-dushman ka samjhaaya hua phir vo manzil lutf kya deti mujhe main vahaañ pahuncha tha jhunjhlaaya hua teri galiyon se guzar aasaan nahin aaj bhi chaltaa hooñ ghabraaya hua kuchh naya karne ka phir matlab hi kya jab tamaashaai hai uktaaya hua kam se kam is ka to rakhta vo lihaaz main hooñ ik awaaz par aaya hua mujh ko aasaani se pa saka hai kaun main hooñ tere dar ka thukraaya hua