kis taraf ko chalti hai ab hawa nahin maaloom haath utha li.e sabne aur dua nahin maaloom mausamon ke chehron se zardiyaan nahin jaati phool kyun nahin lagte khush-numa nahin maaloom rahbaro'n ke tevar bhi rahzano se lagte hain kab kahaan pe loot jaa.e qaafila nahin maaloom sarv to gaii rut men qaamaten ganwa baithe qumariyaan hui kaise be-sada nahin maaloom aaj sabko daava hai apni apni chaahat ka kaun kis se hota hai kal juda nahin maaloom manzaron kii tabdeeli bas nazar men rahtii hai ham bhi hote jaate hain kya se kya nahin maaloom ham faraaz sheron se dil ke zaKHm bharte hain kya karen maseeha ko jab davaa nahin maaloom

kabhi kisi ko mukammal jahaan nahin milta kahii zameen kahii aasmaañ nahin milta tamaam shahar men aisa nahin khuloos na ho jahaan umeed ho is ki vahaañ nahin milta kahaan charaaghh jalaaen kahaan gulaab rakhen chaten to milti hain lekin makaan nahin milta ye kya azaab hai sab apne aap men gum hain zabaan mili hai magar ham-zabaan nahin milta charaaghhh jalte hi beenaai bujhne lagti hai KHud apne ghar men hi ghar ka nishaan nahin milta

ik pari sii pyaari ladki sone kii narm haathon men angoo thii sone kii uskaa chehra jaise chaan dii ka hai aur uski aañkhen jaise lagti sone kii aayi love yuuñ bol mujh...ko phir tu dekh haath pahna dunga choo dii sone kii ham fakeeron men gine jaate hai aur uske kangan uski choo dii sone kii neend aati hi nahin thii tab mujhe jab zaroorat thii mujhe bhi sone kii uski qeemat kitnii hai mat pooch dost uske aage duniya feeki sone kii shyaam to meera na ho paaya teraa kya karegi ab ye moorti sone kii vo teri ho hi nahin sakti saleem maati ka tu aur vo poori sone kii

ye ishq vo hai jisne bahr-o-bar KHaraab kar diya ha men to usne jaise khaas kar KHaraab kar diya main dil pe haath rakh ke tujhko shahar bhej doon magar tujhe bhi un hawaon ne agar KHaraab kar diya kisi ne naam likh ke aur kisi ne peeng daal ke mohabbaton ki aad men shajar KHaraab kar diya tumhein hi dekhne men mahav hai vo kaam chhodkar tumhaari car ne to kaarigar KHaraab kar diya main qafile ke saath hooñ magar mujhe ye khauf hai agar kisi ne meraa hamsafar KHaraab kar diya teri nazar ke maqde tamaam shab khule rahe teri sharaab ne meraa jigar KHaraab kar diya

sar jhukaoge to patthar devta ho jaayega itnaa mat chaaho use vo be-vafa ho jaayega ham bhi dariyaa hain ha men apna hunar maaloom hai jis taraf bhi chal padenge raasta ho jaayega kitnii sachchaai se mujh se zindagi ne kah diya tu nahin meraa to koi doosra ho jaayega main KHuda ka naam le kar pee raha hooñ dosto zahar bhi is men agar hogaa davaa ho jaayega sab usii ke hain hawa KHushboo zameen o aasmaañ main jahaan bhi jaaunga us ko pata ho jaayega

kabhi khaamoshi baithoge kabhi kuchh gungunaoge main utna yaad aaunga mujhe jitna bhulaoge koi jab pooch baithega khaamoshi ka sabab tumse bahut samjhaana chaahoge magar samjha na paoge kabhi duniya mukammal ban ke aayegi nigaahon men kabhi mere kabhi duniya ki har ek shah men paoge kahii par bhi rahen ham tum mohabbat phir mohabbat hai tumhein ham yaad aayenge ha men tum yaad aaoge