suna hai log use aankh bhar ke dekhte hain so us ke shahar men kuchh din thehar ke dekhte hain suna hai rabt hai us ko kharaab-haalon se so apne aap ko barbaad kar ke dekhte hain suna hai dard ki gaahak hai chashm-e-naaz us ki so ham bhi us ki gali se guzar ke dekhte hain suna hai us ko bhi hai she'r o shaayri se shagaf so ham bhi mo'jize apne hunar ke dekhte hain suna hai bole to baaton se phool jhadte hain ye baat hai to chalo baat kar ke dekhte hain suna hai raat use chaand takta rehta hai sitaare baam-e-falak se utar ke dekhte hain suna hai din ko use titliyan sataati hain suna hai raat ko jugnoo thehar ke dekhte hain suna hai hashr hain us ki ghazaal si aañkhen suna hai us ko hiran dasht bhar ke dekhte hain suna hai raat se badh kar hain kaakulen us ki suna hai shaam ko saa.e guzar ke dekhte hain suna hai us ki siyah-chashmagi qayamat hai so us ko surma-farosh aah bhar ke dekhte hain suna hai us ke labon se gulaab jalte hain so ham bahaar pe ilzaam dhar ke dekhte hain suna hai aaina timsaal hai jabeen us ki jo saada dil hain use ban-sanwar ke dekhte hain suna hai jab se hamaail hain us ki gardan men mizaaj aur hi laal o guhar ke dekhte hain suna hai chashm-e-tasavvur se dasht-e-imkaan men palang zaaviye us ki kamar ke dekhte hain suna hai us ke badan ki taraash aisi hai ki phool apni qabaayein katar ke dekhte hain vo sarv-qad hai magar be-gul-e-muraad nahin ki us shajar pe shagoofe samar ke dekhte hain bas ik nigaah se lutta hai qaafila dil ka so rah-ravaan-e-tamanna bhi dar ke dekhte hain suna hai us ke shabistaan se muttasil hai behisht makeen udhar ke bhi jalwe idhar ke dekhte hain ruke to gardishein us ka tawaaf karti hain chale to us ko zamaane thehar ke dekhte hain kise naseeb ki be-pairhan use dekhe kabhi kabhi dar o deewaar ghar ke dekhte hain kahaaniyaan hi sahi sab mubaalga hi sahi agar vo KHvaab hai taabeer kar ke dekhte hain ab us ke shahar men thehre ki kooch kar jaayen faraaz aao sitaare safar ke dekhte hain

bulaati hai magar jaane ka nahin ye duniya hai idhar jaane ka nahin mere bete kisi se ishq kar magar had se guzar jaane ka nahin zameen bhi sar pe rakhni ho to rakho chale ho to thehar jaane ka nahin sitaare noch kar le jaaunga main khaali haath ghar jaane ka nahin vaba phaili hui hai har taraf abhii maahol mar jaane ka nahin vo gardan naapta hai naap le magar zaalim se dar jaane ka nahin

tumhein us se mohabbat hai to himmat kyun nahin karte kisi din us ke dar pe raqs-e-vahshat kyun nahin karte ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte tumhaare dil pe apna naam likkha ham ne dekha hai hamaari cheez phir ham ko inaayat kyun nahin karte mirii dil ki tabaahi ki shikaayat par kaha us ne tum apne ghar ki cheezein ki hifazat kyun nahin karte badan baitha hai kab se kaasa-e-ummeed ki soorat so de kar vasl ki khairaat ruksat kyun nahin karte qayamat dekhne ke shauq men ham mar mite tum par qayamat karne waalo ab qayamat kyun nahin karte main apne saath jazbon ki jamaat le ke aaya hooñ jab itne muqtedi hain to imaamat kyun nahin karte tum apne hont aaiine men dekho aur phir socho ki ham sirf ek bose par qana'at kyun nahin karte bahut naaraz hai vo aur use ham se shikaayat hai ki is naarazgi ki bhi shikaayat kyun nahin karte kabhi allah-miyaan poochhenge tab un ko bataaenge kisi ko kyun bataayen ham ibadat kyun nahin karte murattab kar liya hai kulliyaat-e-zakhm agar apna to phir ehsaas-jee is ki ishaa'at kyun nahin karte

kabhi kisi ko mukammal jahaan nahin milta kahii zameen kahii aasmaañ nahin milta tamaam shahar men aisa nahin khuloos na ho jahaan umeed ho is ki vahaañ nahin milta kahaan charaaghh jalaaen kahaan gulaab rakhen chaten to milti hain lekin makaan nahin milta ye kya azaab hai sab apne aap men gum hain zabaan mili hai magar ham-zabaan nahin milta charaaghhh jalte hi beenaai bujhne lagti hai KHud apne ghar men hi ghar ka nishaan nahin milta

ranjish hi sahi dil hi dukhaane ke li.e aa aa phir se mujhe chhod ke jaane ke li.e aa kuchh to mire pindaar-e-mohabbat ka bharam rakh tu bhi to kabhi mujh ko manaane ke li.e aa pahle se maraasim na sahi phir bhi kabhi to rasm-o-rah-e-duniya hi nibhaane ke li.e aa kis kis ko bataaenge judaai ka sabab ham tu mujh se KHafaa hai to zamaane ke li.e aa ik umr se hooñ lazzat-e-giryaa se bhi mahroom ai raahat-e-jaan mujh ko rulaane ke li.e aa ab tak dil-e-khush-fahm ko tujh se hain ummeedein ye aakhiri shamaein bhi bujhaane ke li.e aa

tamaam umr main har subah kii azaan ke baad ik imtihaan se guzra ek imtihaan ke baad KHuda kare ki kahiin aur gardish-e-taqdeer kisi ka ghar na ujaade mere makaan ke baad dhara hi kya hai mere paas nazr karne ko tere huzoor meri jaan meri jaan ke baad ye raaz us pe khulega jo KHud ko pahchaane ki ik yaqeen kii manzil bhi hai gumaan ke baad ye jurm kam hai ki sachchaai ka bharam rakkha saza to honi thii mujh ko mere bayaan ke baad mere KHuda use apni amaan men rakhna jo bach gaya hai mere khet men lagaan ke baad

kaun pursaan-e-haal hai meraa zinda rahna kamaal hai meraa tu nahin to tira khayal sahi koii to ham-khayaal hai meraa mere aasaab de rahe hain javaab hausla kab nidhaal hai meraa chadhta suraj bataa raha hai mujhe bas yahiin se zawaal hai meraa sab kii nazarein mirii nigaah men hain kis ko kitna khayal hai meraa

manzilen laakh kathin aayen guzar jaaunga hausla haar ke baithoonga to mar jaaunga chal rahe the jo mere saath kahaan hain vo log jo ye kahte the ki raste men bikhar jaaunga dar-b-dar hone se pahle kabhi socha bhi na tha ghar mujhe raas na aaya to kidhar jaaunga yaad rakhe mujhe duniya tiri tasveer ke saath rang aise tiri tasveer men bhar jaaunga laakh roken ye andhere mira rastaa lekin main jidhar raushni jaayegi udhar jaaunga raas aayi na mohabbat mujhe warna saaqi main ne socha tha ki har dil men utar jaaunga